web counter
LEXO PA REKLAMA!

SHKARKO APP

App Store
Google Play

E fundit!

x

Televizionet private s'mund të përfitojnë paratë e taksapaguesve

21 Qershor 2018, 18:02, Aktualitet CNA

Pas projekt-ligjit që pronarët e televizioneve private në bashkëpunim me kryeministrin Rama po përpiqeshin të kalonin në Parlament, në një ndër pikat e të cilit detyroheshin takspaguesit shqiptarë të paguanin taksë më të shtuar televizioni, që ajo të shkonte në favor të pronarëve, është prononcuar edhe ambasadorja e BE në Tiranë, Romana Vlahutin.

Në një intervistë ekskluzive për “Lapsi.al” Vlahutin sjell praktikat europiane në këtë fushe që tregojnë absurditetin e kësaj nisme, nga e cila me sa duket qeveria shqiptare po zbythet edhe pas presionit ndërkombëtar?.

“Me sa kuptojmë nga informacionet prej burimeve të hapura Ministria e Financave nuk është e gatshme ta marrë në konsideratë këtë mundësi me argumentin se tarifa për televizorët është një nga burimet e financimit për veprimtarinë e RTSH-së, një ent publik jofitimprurës që ofron shërbime audiovizuale në Republikën e Shqipërisë, dhe rrjedhimisht, ndryshimi i destinacionit të tarifës do ta çnatyronte qëllimin e një mbledhjeje të tillë. Për më tepër, tarifa është përcaktuar qartë në nenin 11, pika B, të ligjit 9975/2008, për taksat kombëtare si një masë për të mbuluar kostot e shërbimit të ofruara nga RTSH-ja.

Ne do të pajtoheshim plotësisht me këtë pozicion, pasi praktikat e shteteve anëtare të BE-së tregojnë se asnjë shtet anëtar i BE-së nuk e ndan tarifën e licencës që nga fillimi për të financuar transmetuesit e shërbimit publik nga njëra anë dhe transmetuesit komercialë privatë nga ana tjetër… Është e çuditshme që një kompani mediatike private të kërkojë para publike për të pasur një cilësi më të mirë të asaj që përbën biznesin e vet kryesor: të paraqesë informacion në bazë të fakteve që janë hulumtuar siç duhet. Programet që në disa vende marrin subvencione janë ekskluzivisht ato të natyrës jokomerciale, si programet për pakicat ose ato me përmbajtje kulturore apo artistike jokomerciale. Ato ndonjëherë subvencionohen në disa vende, sepse tregu i medias nuk mund dhe nuk duhet të nxitet vetëm nga përmbajtja fitimprurëse “, ka qenë përgjigja e Vlahutin, lidhur me përmbajtjen e projekt-ligjit në fjalë.





Lajmet e fundit nga