E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Ekskluzive/ Tentohet vrasja e “Babales” në Kosovë

13 Qershor 2018, 09:53, Kronika CNA

Albert Veliu, ose i quajturi ndryshe personazhi ?Babale?, i cili u bë emër i njohur për publikun pas një audio-përgjimi, të publikuar nga Partia Demokratike, prej disa ditësh ndodhet në Kosovë.

Ai u ndalua nga policia kosovare, pasi po tentonte të largohej drejt vendeve të Europës, duke pretenduar për një strehim të mundshëm politik, pas nxjerrjes së videos, ku pretendohet se Agron Xhafaj, vëllai i ministrit të Brendshëm, Fatmir Xhafaj, shfaqet duke bërë pazare droge.

Burime ekskluzive i thanë CNA.al se ?Babalja? është dërguar te qendra e azilkërkuesve në Kosovë, por autoritetet e vendit fqinj janë vënë në alarm, pasi disa informacioneve se ka pasur tentativë për vrasjen e tij.

Persona të paidentifikuar dhe të dyshimtë i janë afruar qendrës së azilantëve, dhe afrimi i tyre dyshohet se ka pasur për qëllim një vrasje të mundshme të ?Dëshmitarit X? të Lulzim Bashës.

Ngjarja po mbahet tepër e fshehtë nga autoritetet kosovare.

Nga ana tjetër, Albert Veliu në komunikimet me autoritetet e Kosovës ka kërkuar që të mos ekstradohet në Shqipëri, pasi ai pretendon se jeta e tij është në rrezik dhe ai mund të vritej, pasi ngjarja ka marrë përmasa shumë të mëdha, më shumë sesa vetë ai e priste dhe kjo mund të sjellë pasoja për jetën.

Pra, jo vetëm nga fakti i audio-përgjimit, por edhe për shkak të situatës politike dhe mungesës së sigurisë në Shqipëri, sidomos në burgjet shqiptare.

CNA.al ka mësuar gjithashtu se autoritetet kosovare gjithashtu po shqyrtojnë të gjitha kërkesat dhe dosjen e Albert Veliut, por dhe kanë ngritur sirenat e alarmit për ngjarjen e ndodhur ditët e fundit, ku dyshohet se disa persona të paidentifikuar kanë tentuar të bëjnë një atentat ndaj Albert Veliut në ambientet ku ai ndodhet.

Por gjithçka është kuptuar në kohë dhe autoritetet kanë mundur ta shmangin këtë ngjarje kriminale.

Por, kjo në fakt ka forcuar pozitat e Albert Veliut dhe ka bërë më të besueshme pretendimet se atij i rrezikohet jeta dhe kthimi në Shqipëri do të ishte mjaft i rrezikshëm jo vetëm për të, por edhe për familjarët e tij./ CNA.al