web counter
LEXO PA REKLAMA!

SHKARKO APP

E fundit!

x

Makthi i dyqaneve të Athinës/ Në pranga “skifterët” shqiptarë

9 Qershor 2018, 14:24, Kronika CNA

Policia greke ka shkatërruar një bandë, e cila ishte shndërruar në tmerrin e dyqaneve të Athinës.

Gjatë këtij operacioni janë  vënë në pranga shtatë shtetas shqiptarë, të cilët akuzohen si pjesëtarë të grupit kriminal.

Mediat bëjnë të ditur se ata kishin krijuar një bandë, aktiviteti i të cilave daton që nga viti 2016. Grupi vepronte me metoda të sofistikuara, për të evituar kontrollet e sigurisë.

Të arrestuarat janë Majlinda Duka, Kristina Cacaj, Anila Mukaj, Rezarta Prastaj, Athina Bitri, Gjinovefa Kashari.

Ato përdornin aparate për çaktivizimin e mekanizmave kundër vjedhjes. Sendet e vjedhura, veshje dhe këpucë firmato, vendoseshin në çanta të posaçme, që i kishin faqet e brendshme të veshura me alumin që mos të diktoheshin nga skaneri i alarmit në dalje të njësive.

Grupi i dërgonte veshmbathjet e vjedhura në Shqipëri. Policia tha se fitimet e mëdha që nxirrnin nga biznesi i paligjshëm ato i investonin në blerje banesash dhe makinash të shtrenjta.





Lajmet e fundit nga