web counter
LEXO PA REKLAMA!

SHKARKO APP

App Store
Google Play

E fundit!

x

“Smile Albania”/ Rama zbulon surprizat e sezonit të ri turistik

24 Maj 2018, 17:19, Aktualitet CNA

Kryeministri Edi Rama gjatë fjalës së tij në prezantimin e projektit ?Smile Albania? tha se janë punësuar 1000 të rinj vajza dhe djem që do mirëpresin dhe informojnë turistët duke promovuar ndjenjën e përgjegjshmërisë qytetare për pastërtinë e plazheve.

Sipas kreut të qeverisë, ky sezon i ri do pasurohet për herë të parë edhe me kalendarët e festave të traditës e të kulinarisë, kulturës, pasurive natyrore dhe thesareve të trashëgimisë, si edhe aktivitetet argëtuese artistike e sportive. Ndër të tjera, Rama theksoi se duhet t?i jepet fund turizmit të zhurmave të mëdha gjatë natës në gjithë vijën bregdetare dhe se ky sezon do jetë surprizë.

Po ashtu, Rama u shpreh se ky do të jetë sezoni më i pastër, më i sigurtë si dhe me volumin më të madh të mundësive për argëtim dhe alternativave.

?Kemi ndërtuar një rrjetë institucionesh për të trajtuar çdo aspekt të sezonit turistik që nga siguria deri tek argëtimi. Shërbimi parësor shëndetësor dhe itineraret e trashëgimisë kulturore. Të ndahemi nga turizmi i zhurmave të mëdha gjatë natës në gjithë vijën bregdetare. Prandaj kemi angazhuar 1000 vajza dhe djem që do vendosen në zonat e mbrojtura dhe pikat bregdetare. Ata do çojnë buzëqeshjen dhe informacionet tek turistët.?-u shpreh kreu i ekzekutivit./ CNA.al





Lajmet e fundit nga