E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Trafikim me njerëz dhe krim i organizuar/ Gjykata dënon me burgim dy mjekët

24 Maj 2018, 15:26, Aktualitet CNA

Gjatë seancave të shkuara gjyqësore, mjeku njëherësh dhe pronari i klinikës ku kryehin transplantet, kishte deklaruar se transplantimi i veshkës është vepër humane, e jo penale. Sipas tij, në gjithë botën bëhen me mijëra transplantime, por askush nuk ndiqet penalisht…

Gjykata Themelore në Prishtinë ka shpallur fajtor pronarin e Klinikës ?Medicus?, mjekun urolog Lutfi Dervishi për trafikim me qenie njerëzore dhe krim të organizuar.

Lajmin e kanë bërë të ditur mediat kosovare sipas të cilave: Kryetarja e trupit gjykues, Franceska Fischer, gjashtë leximit të vendimit tha se Lutfi Dervishi ka qenë pjesëmarrës në disa operacione të transplantimit, pavarësisht se ai e kishte ditur se klinika ?Medicus?nuk kishte leje për transplantim. Këto veprime, sipas trupit gjykues ishin kryer pavarësisht se transplantimi ka qenë i ndaluar.

Gjyqtarja Fischer duke arsyetuar vendimin ka thënë se Lutfi Dervishi në bashkëpunim me persona të tjerë, nëpërmjet mashtrimit dhe keqpërdorimit të pozitës së ndjeshme kanë rekrutuar së paku shtatë persona të cilët i kanë strehuar dhe operuar në klinikën ?Medicus?.

Sipas gjykatës, kjo ishte bërë për arsye të marrjes së veshkave, të cilat pas marrjes u janë transplantuar personave pranues.

Ndërkohë që Lutfi Dervishit, akuzohej për trafikim me qenie njerëzore dhe krim të organizuar mjeku anestezist Sokol Hajdini, gjendej i i akuzuar për lëndim të rëndë trupor të pacientëve.

Gjatë seancave të shkuara gjyqësore, i akuzuari Lutfi Dervishi, kishte deklaruar se transplantimi i veshkës është vepër humane, e jo penale. Sipas tij, në gjithë botën bëhen me mijëra transplantime, por askush nuk ndiqet penalisht.

Ndërkaq, Sokol Hajdini, i cili po ashtu e kishte mohuar akuzën, kishte deklaruar se ai me veprimet e tij nuk kishte asnjëherë qëllim të binte ndesh me ligjin apo t?i shkaktonte lëndime trupore ndokujt.

Pjesë e këtij gjykimi ishte edhe Arban Dervishi, djali i Lutfi Dervishit, por procedura ndaj tij është ndarë si lëndë e veçuar, ngase ai ndodhet në arrati.

Urologu Lutfi Dervishi ishte dënuar nga Gjykata Themelore në Prishtinë me 8 vjet burg në vitin 2013, ndërsa Sokol Hajdini me 3 vjet.

Gjykata e Apelit më pas ia kishte vërtetuar dënimin Dervishit, ndërsa Hajdinit ia kishte shtuar vitet e dënimit me burg nga 3 në 5 vjet.

Ndërkohë vet mjeku që ka transplantuar veshka, turku Jusuf Sonmez, i njohur si dr.Frankestein, është ende në kërkim. Kjo çështje ka qenë temë publikimi edhe në kanali amerika HBO. Kur gazetarët amerikanë kanë arritur ta intervistojnë Sonmezin ai u ka thënë se në Kosovë kishte ardhur për shkak të ofertës së majme të parave.

Zharritja e çshtjes nga viti 2008 deri më sot ka ardhur për shkak se në Kosovë nuk ka Ligj për transplantim të organeve. Një draft ligj ishte hartuar nga Qeveria dhe proceduar më pas në Kuvend, por i njëjti ishte bllokuar nga misionet ndërkombëtare, ku një prej arsyeve të bllokimit të tij ishte përmendur pikërisht rasti i njohur si ?Medicus?, raporton?Rel?.