E fundit!

08:28 Kronika

"Mos kalo nga kjo rrugë"/ Si nisi konflikti mes dy vëllezërve në Kavajë që përfundoi në vrasje

Një person është vrarë mbrëmjen e djeshme nga vëllai i tij...

Prokuroria në aksion/ Po i vjen radha Bashës?

14 Maj 2018, 13:07, Aktualitet CNA

Eksponentë të skenës politike në vend janë përfshirë në akuza të ndërsjellta, ku dhe disa prej tyre kanë përfunduar në dyert e gjykatave.

Përmendim këtu rastin e ish-ministrit të Brendshëm, Saimir Tahiri i cili pas akuzave të opozitës dhe përgjimeve të publikuara në media për dyshimet për lidhje me grupin kriminal të Habilajve, prokuroria nisi hetimet dhe sot ish-ministri ndodhet në arrest shtëpie.

Ndërkohë një tjetër ish-zyrtar i lartë që është nën hetim është edhe ish-kryeprokurori Adriatik Llalla, për të cilin prokuroria ka kërkuar masën e sigurisë ?arrest me burg?, ndërsa pritet vendimi i Gjykatës për Krimet e Rënda.

Po ashtu ditët e fundit, PD ka ndërmarrë një aksion me akuza dhe sulme të njëpasnjëshme ndaj ministrit aktual të Brendshëm, Fatmir Xhafaj, duke e akuzuar se ka falsifikuar dokumente zyrtare që ti sigurojë paprekshmërinë vëllait të tij Agron Xhafaj, i dënuar në mungesë nga drejtësia italiane me 7 vite e dy muaj burg, nën akuzën trafik të lëndëve narkotike.

Pas akuzave dhe publikimit nga PD të një audio-përgjimi, i cili sipas tyre tregon se Agron Xhafaj, vijon aktivitetin kriminal ka reaguar kreu i grupit parlamentar të PS, Taulant Balla, i cili kërkoi që prokuroria të nisë menjëherë hetimet për zbardhjen e së vërtetës në lidhje me këtë audio-përgjim.

Janë këta emrat më të përfolur të momentit, për të cilët është kërkuar hetime nga prokuroria.

Por në gjithë këtë histori ka edhe një detaj. Jemi dakort që çdo njeri, qoftë zyrtar i lartë apo jo, në momentin që ka dyshime për aktivitete të jashtëligjshme duhet patjetër që prokuroria të nisë hetimet, por pa përjashtuar asnjë, qoftë ky edhe kryetari i opozitës.

Basha dhe deputetët e tij trumbetojnë fort në media cdo ditë që drejtësia është e kapur nga Rama, por pse organi i akuzës nuk ka thirrur asnjë herë për të dëshmuar Lulzim Bashën, në lidhje me dyshimet për lobimet ruse për PD gjatë fushatës elektorale.

Kujtojmë këtu se CNA.al raportoi pak ditë më parë se prokuroria shqiptare i është drejtuar me anë të një letër-porosie SHBA-së, në lidhje me kontratat e lobimit të Partisë Demokratike dhe Departamenti i drejtësisë në SHBA ka gati përgjigjen për letër porosinë e nisur nga prokuroria shqiptare, por deri në këto momente Basha nuk është paraqitur asnjë herë të vetme në prokurori për tu përballur me këto akuza./ CNA.al

Ekskluzive-SHBA sjell dosjen ?Basha?/ Fundoset kreu i PD-së?