web counter
LEXO PA REKLAMA!

SHKARKO APP

App Store
Google Play

Fatmir Xhafaj, "ministri i krimit" që nuk jep dorëheqje

10 Maj 2018, 16:40, Aktualitet CNA

Fatmir Xhafaj, Ministri i Brendshëm i Shqipërisë, me denoncimin e bërë dje nga Partia Demokratike, minimalisht duhet të kishte dhënë dorëheqje, kjo në bazë të standardit të vendosur nga ish-ministri i Drejtësisë Ilir Rusmali, i cili dha dorëheqje, pasi vëllai i tij u përfol për një tender, edhe pse ai nuk e mori kurrë një të tillë.

Vëllai i Fatmir Xhafajt, është i dënuar me vendim të formës së prerë për trafikim ndërkombëtar droge nga autoritetet italiane, por për Xhafajn nuk do të thotë që, ai nuk jep dorëheqje, por rri në zyrë dhe numëron grupet. Herë pas here Fatmir Xhafaj del dhe publikon numrin e grupeve kriminale që operojnë në vendin tonë, thotë se janë identifikuar, por nuk bën asgjë për t’i arrestuar.

A mundet që vëllai i një të dënuari nga një vend i Bashkimit Europian, për trafik ndërkombëtar të drogave të forta si heroinë, e kokainë, të luftojë krimin, drogën dhe trafikimin e saj, dhe të mbajë postin e Ministrit?

A mund të ketë moral Fatmir Xhafaj të bëjë vetting në polici, kur i vëllai i dënuar në një vend të BE-së, ndërsa ai heq policët nga puna, se kanë një vëlla apo kushëri që është futur në burg se s’kanë paguar dritat?

Xhafaj është ministri i vetëm në Evropë që ka lidhje të forta gjaku në mënyrë të të drejtpërdrejtë, me një të dënuar për trafik droge. Vëllai është prova.

Xhafaj për të vënë në vend moralin dhe integritetin e Ministrit të Brendshëm, minimalisht duhet të japë dorëheqje.

Ne nuk do të ndalemi së thënë “Xhafa jep dorëheqje!”, jo si një parti politike, por pasi ministri i shqiptarëve është kapur “i gjallë” dhe nuk dorëhiqet, për të vënë në vend moralin e ministrit më të rëndësishëm. /CNA.al





Lajmet e fundit nga