Shkëmbim zjarri me policinë/ Ndërron jetë një person, një tjetër mbetet i plagosur

23 Mars 2018, 07:32, Kronika CNA

Një ngjarje e rëndë ka ndodhur në qytetin e Fierit, ku një person ka ndërrur jetë ndërsa një tjetër ka mbetur i plagosur, gjatë një tentative grabitje.

Mësohet se gjatë tentativës së grabitjes, nga shkëmbimi i zjarrit me policinë, ka humbur jetën një nga autorët.

Ngjarja e rëndë ndodhi rreth orës 03:00 në lagjen ?29 Nëntori? në Fier. Burime zyrtare bënë me dije se 4 persona të maskuar edhe të armatosur (me pistoleta) kanë tentuar të hyjnë në banesën e shtetasit me inicialet M.M, duke thyer drynin e derës. Por pas sinjalizimit të policisë, hajdutët janë përballur me forcat e rendit dhe kanë hapur zjarr ndaj këtyre të fundit.

Për pasojë gjatë shkëmbimit të zjarrit njëri nga autorët është plagosur dhe një tjetër ka gjetur vdekjen. Ndërkohë, autorët e tjerë, që dyshohet se janë edhe dy, duke qëlluar në drejtim të punonjësve të policisë janë larguar duke përfituar nga errësira dhe kushtet e motit, me një mjet ende të paidentifikuar. Deri më tani nuk dihen identiteti i personit të vrarë dhe atij të plagosur, ndërsa priten të dalin në dritë detaje të tjera.

Njoftimi i policisë:

Në datën 23.03.2018, rreth orës 03:00, policia lokale u njoftua nga një telefonatë se në lagjen “29 Nëntori” Fier, pranë banesës së shtetasit M.M, disa persona kanë tentuar të hyjnë brenda shtepisë duke thyer drynin e derës.

Pas marrjes së njoftimit mbërritën në vendngjarje shërbimet e policisë, të cilët janë përballur me disa persona të maskuar e të armatosur me pistoleta e automatikë, të cilët kanë qëlluar me armë zjarri në drejtim të punonjësve të policisë.

Në kushtet e reagimit propocional, nga shkëmbimi i zjarrit, njëri nga autorët është plagosur dhe një tjetër ka gjetur vdekjen.

Të dy ata ishin të maskuar e të armatosur me pistoleta, të cilat u sekuestruan në cilësinë e provës materiale.

Autorët e tjerë, që dyshohet se janë edhe dy, duke qëlluar në drejtim të punonjësve të policisë janë larguar duke përfituar nga errësira dhe kushtet e motit, me një mjet ende të paidentifikuar.

Nga rradhët e Policisë së Shtetit nuk ka të lënduar.

Menjëherë janë ngritur pika të shumta kontrolli në të gjitha hyrje-daljet e qytetit dhe po vijon puna për kapjen e autorëve të tjerë.

Në vendin e ngjarjes janë sekuestruar një numër i konsiderueshëm provash materiale.

Nën drejtimin e një grupi të posacëm të Prokurorisë, i cili gjendet në vendngjarje, po vazhdon puna për dokumentimin e plotë të kësaj ngjarje.