web counter
LEXO PA REKLAMA!

SHKARKO APP

App Store
Google Play

Përmbytjet në Shkodër/ Shpëtohen 3 pacientë dializantë

22 Mars 2018, 14:55, Kronika CNA

3 pacientë dializantë në zonën e Shkodrës janë shpëtuar , pasi prej ditësh banesat e tyre janë nën pushtetin e ujit.

Pacientët dializantë u transportuan sot me autoambulancë nga fshatrat Dajç, Pentar dhe Velipojë me ndihmën e ushtrisë dhe aktualisht po marrin shërbimin e dializës në spitalin e Shkodrës.

Lajmi i është bërë i ditur nga Ministria e Shëndetësisë dhe Mbrojtjes Sociale e cila njofton se të gjitha strukturat shëndetësore pranë zonave të përmbytura janë në gatishmëri të plotë.

?Me herët, 3 pacientë me probleme kardiake dhe bronkopneumoni u asistuan nga mjeku i qendrës shëndetësore Dajç, Besnik Haxhia dhe më pas kanë marrë shërbim të specializuar në spitalin e Shkodrës.

Po monitorohen rregullisht nga ekipi i mjekëve edhe 70 të evoluuarit që janë vendosur në Konviktin e Shkollës Industriale.

Ne masat e marra nga strukturat e shëndetësisë, është vendosur shërbim 24 orë në qendrat shëndetësore Dajç dhe Bërdicë. Ndërkohë 2 autoambulanca janë vendosur në gatishmëri 24 orë në kryqëzimin e Dajcit dhe ne Malin Kolaj, ku janë edhe pikat e ushtrisë.

Nga ana tjetër, strukturat e shëndetit publik po kryejnë monitorimin e situates se ujit të pijshëm në të gjithë zonat e përmbytura?-thuhet ndër të tjera në njoftimin e Ministrisë së Shëndetësisë. /CNA.al





Lajmet e fundit nga