web counter
LEXO PA REKLAMA!

SHKARKO APP

App Store
Google Play

E fundit!

x

Tabaku i përgjigjet Ahmetajt: Ngatërron shifrat e QKB-së me ato të tatimeve

10 Shkurt 2018, 18:45, Aktualitet CNA

Pas kundërpërgjigjes së ministrit të Ekonomisë, Arben Ahmetaj, kreut të PD-së, Lulzim Basha, i fundit ky që pohonte se janë 1747 bizneseve të mbyllura, ka reaguar deputetja e Partisë Demokratike, Jorida Tabaku.

Në një postim në rrjetet sociale, Tabaku ka thënë se shifra e publikuar nga ministri Ahmetaj, është marrë nga QKR e cila ka disa mangësi në çregjistrimin e bizneseve dhe se numri që operon në treg është shumë i ulët për shkak të kostove shumë të larta., ndërsa ka pohuar se ministri Ahmetaj ka gënjyer dhe sot në medie sikur se ka bërë në komisione.

Reagimi i plotë:

A po mbyllen bizneset në Shqipëri?

Ministri Ahmetaj sot iu përgjigj kryetarit të opozitës për shifrën e bizneseve që nuk paguajnë më taksa, pra janë të mbyllura, duke këmbëngulur që sot ka më shumë biznese të hapura se një vit më parë. Ironikisht, ministri mbështetej jo tek Drejtoria e Tatimeve prej nga ku buron shifra e 1747 bizneseve të mbyllura, por nxjerr një shifër nga Qendra Kombëtare e Regjistrimit. Arsyeja e shmangies është e thjeshtë; sipas ligjeve dhe rregullave në fuqi një biznesi për t?u çregjistruar përfundimisht i duhet më shumë se një vit punë intensive. Për rrjedhojë shifra e paraqitur në QKR ka disa ?mangësi? të karakterit procedural, të cilat ministri i përdor për të fshehur të vërtetën.

Nuk është e re që bizneset sot paguajnë më shumë taksa pothuajse sa 60% e xhiros, që sot paguajnë fatura më të larta energjie elektrike e që nga Prilli bizneset e vogla do të kenë dhe TVSH prej 20% që do të vendosë në kushte mbijetese pjesën më vitale të ekonomisë shqiptare.

Nuk është habi që ministri Ahmetaj të gënjejë si në media ashtu edhe në komisione. U bënë mbi katër vite që shqiptarëve u ofrohen shifra të rreme mbi rritjen ekonomike, borxhin publik apo vlerën e PPP-ve. Fatkeqësisht disa njerëz as nuk skuqen dhe as turpërohen kur manipulojnë të vërtetën, por realiteti është ndryshe. Atë e tregojnë bizneset që cdo ditë mbyllen. /CNA.al

 





Lajmet e fundit nga