Disa detaje pse dha dorëheqje e Eduard Halimi

9 Shkurt 2018, 16:47, Aktualitet CNA

Ish-ministri i Drejtësisë, posti më i lartë që pati gjatë qeverisë së Berishës, deputet në Durrës dhe Berat. Një nga njerëzit më aktivë në Komisionin e Ligjeve, jurist me eksperiencë, dhe nga të paktët e ditur në grupin parlamentar të PD-së. Në Komisionin e Ligjeve, por edhe në grupin demokrat, profesionistët dhe juristët e zotë numërohen me gishtat e dorës. Një prej tyre “u pre”, u largua sot.

Një jurist i aftë, një politikan i zoti, u largua me disa justifikime të paraqitura publikisht në rrjetet sociale, mesazh i cili u pasua nga një justifikim i dobët i Lulzim Bashës.

Përtej asaj që ka shkruar vetë Halimi, ka disa detaje që jo pak veta janë në dijeni. Në grupin e PD-së dhe elitën e saj, ata njerëz që kuptojnë nga politika dhe e shohin të ardhmen saj, janë të bindur se gjërat po shkojnë keq edhe më keq.

Basha këshillohet dhe merr mendime nga të paditurit, nxjerr në front dhe vlerëson servilët dhe të rekomanduarit e familje. Vetë kreu i PD-së, është një instrument monetar në duart e kryeministrit Rama. Askush nuk shikon një dritë shprese në front, gjithçka duket e zymtë dhe e pavlerë.

Ata që e njohin dhe e kuptojnë politikën largohen shpejt përpara se llumi t’i tërheqë pas vetes e tu shkatërrojë totalisht të ardhmen. Të aftët dhe profesionistët largohen dhe dalin të vetëm në treg, punojnë, luftojnë dhe mbijetojnë. Servilët vazhdojnë të përziejnë llumin ku janë zhytur pa pasur asnjë problem.

Këto të gjitha Eduard Halimi i ka parë, i di dhe nuk mund të rrinte pa reaguar. Largimi i tij është një sinjal alarmi për Partinë Demokratike. Po ikën një politikan aktiv dhe një jurist i zoti, me shumë gjasa mund të hyjë ndonjë femër që s’do të flasë kurrë, por edhe po shkoj radha tek astrit Veliaj, më keq akoma. Ka qenë deputet dhe askush nuk e mban mend se çfarë ka bërë, përveçse është përfolur si një vegël në duart e Edi Ramës.

Fatkeqësisht, grupi i PD ka jashtë një teknicien të zotin dhe një politikan karriere. Një zë të fortë më pak. Shumë prej tyre i hoqi Basha pasi i sfumoi, të tjerët që kuptojnë po ikin. Fatkeqësisht PD-ja, po ngelet me grupin parlamentar më të dobët dhe më të turpshëm në historinë e saj. /CNA.al