web counter
LEXO PA REKLAMA!

SHKARKO APP

App Store
Google Play

E fundit!

x

Eduard Halimi dorëzoi mandatin/ Reagon Basha: La mandatin për...

9 Shkurt 2018, 15:53, Aktualitet CNA

Kryetari i Partisë Demokratike, Lulzim Basha, ka reaguar pas vendimit të deputetit demokrat, Eduard Halimi, për të dorëzuar mandatin e deputetit.

Me anë të një postimi në rrjetet sociale, Basha shprehet se, “Eduart Halimi vendosi sot të lërë mandatin e deputetit, të tërhiqet nga politika aktive për të ndjekur pasionin e tij, avokatinë. Dëshira ime për ta patur pjesë të ekipit, të grupit parlamentar të PD ishte e madhe, por po kështu edhe respekti për lirinë e çdokujt për të marrë vendimet e veta për të ardhmen e tij.”

Në vijim të komentit të tij, Basha shprehet se, “Si një bashkëpunëtor i shkëlqyer, një jurist i mprehtë, Ed Halimi po largohet nga politika aktive pasi ka lënë gjurmët e veta në qeverisje me suksese të padiskutueshme në Ministrinë e Drejtësisë, dhe në opozitë po ashtu me ekspertizë të çmuar në të gjitha betejat tona për ligjshmëri, kushtetueshmëri, për luftë ndaj krimit e korrupsionit dhe përpjekjeve për zgjedhje të lira e të ndershme.”

Në përfundim Basha ka shprehur falënderimet e tij ndaj Halimit, ndërsa i uron suksese në projektet e tij të reja.

“Shpreh falenderimet dhe mirënjohjen nga zemra për kontributin e tij të çmuar, dhe bashkë me urimet e mija më të mira, edhe bindjen se me projektet e reja që ka, ai do të vazhdojë ti shërbejë ligjit dhe vendit.”, – përmbyll reagimin e tij Lulzim Basha. /CNA.al





Lajmet e fundit nga