web counter
LEXO PA REKLAMA!

SHKARKO APP

App Store
Google Play

Dogana italiane vazhdon luftën kundra rakisë e pastërmasë shqiptare

17 Janar 2018, 19:00, Aktualitet CNA

Duke filluar nga 10-ditëshi i fundit i dhjetorit dhe deri më sot doganat  e porteve të Barit dhe Ankonës kanë bërë namin duke sekuestruar produkte ushqimore, të kapura në bagazhet e udhëtarëve shqiptarë. Rasti më i fundit është ai i doganës së Ankonës. Doganierët ndaluan për kontroll një fugon me targa angleze të sapozbritur nga trageti i Linjës Durrës-Ankona.

Në fugonin me destinacion Anglinë doganierët sekuestruan 500 Kg. pastërma, 350 Kg. salcice, sallam, proshutë, vishle, djathë etj. si edhe 240 litra raki të bërë vetë të ambalazhuar në shishe e bidona. Produktet e mishit u sekuestruan, se nuk kishin etiketat sipas rregullave të Komunitetit Europian dhe kështu mund të rrezikonin shëndetin dhe jetën e konsumatorvë europinë, ndonëse destinacioni i mallit ishte Anglia, një vend tashmë jo anëtar i BE-së.

Rakia u sekuestrua me sebepin e mallit kontrabandë, që paguan aksizë, kur faktikisht rakija ishte tranzit nëpër territorin e BE-së (Italisë) drejt një vendi jo komunitar si Anglia e Brexit-it. Dy shoqëruesit shqiptar e kosovar të furgonit u paditën penalisht për këtë ?kontrabandë? rakie BMV, sallami e pastërmaje! /Gjergj Thanasi/CNA.al





Lajmet e fundit nga