web counter
LEXO PA REKLAMA!

SHKARKO APP

App Store
Google Play

"Tirana përtej fasadave"/ Disa minuta reshje dhe "unaza e vogël" mbulohet nga uji (foto)

17 Janar 2018, 17:48, Aktualitet CNA

Bashkia e Tiranës para disa muajsh hapi qarkullimin në unazën e vogël të qytetit, investim ky që u kushtoi xhepave të qytetarëve disa miliona, por përtej fasadës, ky investim milionësh, ka shfaqur vazhdimisht probleme.

Qytetarët kanë denoncuar vazhdimisht në CNA (CityNews Albania), sesi në pjesë të ndryshme të segmentit të unazës së vogël, pas disa minutave shi, u duhet ose të çajnë ujin, ose të mundohen të kapërcejnë pellgjet nga një anë në anën tjetër.

Një rast i tillë është edhe ky në kryqëzimin e “Rrugës së Durrësit” me segmentin e Unazës së vogël” të qytetit, pranë Banës së Shqipërisë dhe jo vetëm.

Vijat bardh e kuq të “lali Erit” ndonëse janë të bukura për syrin në kohë me diell, e kundërta ndodh gjatë reshjeve, kjo sepse ato nuk duken nëse ka apo jo të tilla, pasi mbulohen nga uji.

“Lali Eri” mburret me investimet milionëshe, para këto të marra nga xhepat e qytetarëve, por kur është puna për të folur për problemet hesht.

Lusim “lali Erin” që tu kthejë përgjigje qytetarëve të cilët duhet të “notojnë” në ujë për të kaluar rrugën në qendër të kryeqytetit, se çfarë ka ndodhur me investimin e bërë? A do të zgjidhet ndonjë herë ky problem, apo sa herë që të bjerë shi, duhen përveshur pantallonat dhe të kalohet rruga?! /CNA.al





Lajmet e fundit nga