web counter
LEXO PA REKLAMA!

SHKARKO APP

App Store
Google Play

Biznesmeni tregon përse hyri në politikë/ Duhet grevë urie kundër Ramës

8 Janar 2018, 18:43, Aktualitet CNA

Deputeti Agron Shehaj, i dalë nga lista e Lulzim Bashës, në një intervistë për “Gazeta Shqiptare”, ka treguar se çfarë e ka shtyrë atë që të hyjë në politikë.

Sipas tij ka qenë reforma në drejtësi ajo që e ka bërë që t’i përvishet politikës.

“Reforma në drejtësi është një prej arsyeve që më shtyu të hyja në politikë. Kjo qeveri është e korruptuar, e thonë raportet e ndërkombëtarëve mbi Shqipërinë. Rreziku është që nga një gjyqësor i korruptuar, por i pavarur të kalojmë një gjyqësor të korruptuar dhe të varur nga qeveria. Do ta shikojmë, ka shumë mundësi që Rama të përdorë drejtësinë për të sulmuar PD-në. PD është e hapur për çdo hetim, por po nuk u dënua edhe kupola socialiste nuk do ketë kurrë drejtësi.”, – ka thënë Agron Shehaj.

Më tej ai duke iu përgjigjur pyetjes: “Ndryshe nga disa kolegë tuaj të PD-së, ju përballeni në Kuvend me mazhorancën, edhe me statuse në ?Facebook?, por çfarë ju bën kaq kritik ndaj kësaj qeverisjeje?”, ai u shpreh:

“Më habit kjo pyetje, unë mendoj se po bëj shumë pak. Në gjendjen që është Shqipëria, e qeverisur nga një grup gangsterësh, e veshur me kostume që hetohet për lidhje me krimin dhe trafik droge, që ka pushtetin, paratë dhe pjesën më të madhe të mediave, unë duhet të kisha hyrë në grevë urie.” /CityNews





Lajmet e fundit nga