LEXO PA REKLAMA!

SHKARKO APP

Petrit Vasili: Opozita më e qartë se kurrë, kemi mbështetjen e qytetarëve për protesta

8 Janar 2018, 16:54, Aktualitet CNA

Kryetari i grupit Parlamentar, Petrit Vasili, i ftuar në studion e televizionit Fax News, ka komentuar aksionin opozitar kundrejt qeverisë Rama 2.

Sipas Vasilit, opozita është më e qartë se kurrë, dhe ajo tashmë ka mbështetjen e popullit, pasi stanjacioni ekonomik dhe papunësia është shumë problematike dhe ka pllakosur në vend.

“Qëndresa opozitare ka një valencë shumë të fortë sociale, për shkak të papunësisë, mjerimit që ka pllakosur në vend,për shkak të ngecjes së ekonomisë. Qeveria ka dekurajuar zhvillimin e biznesit të vogël. Për këtë ana shoqërore ka sens shumë të fortë politik ashtu edhe shoqëror. sepse qytetarët vuajnë mjerimin e një përditshëm, nga mbetja e vendit në stanjacion.”

Ai u shpreh se opozita do të ketë një marrëdhënie të kufizuar me Kuvendin.

Sipas tij qëndrimi i politikës është në sinkron, dhe e vetmja zgjidhje është largimi i Kryeministrit. /CityNews

Lajmet e fundit nga