E fundit!

12:49 Politikë

Reforma Territoriale/ Berisha, thirrje qytetarëve për protestë

Kreu i PD-së Sali Berisha në një bashkëbisedim me qytetarë...

“Shkarkimi i Çakos, nuk e trondit kartelin e drogës”

8 Janar 2018, 16:08, Aktualitet CNA

Kreu i ZGJIDHJES, Koço Kokëdhima, ka reaguar pas lirimit nga detyra të kreut të Policisë së Shtetit, Haki Çako.

Sipas tij, vendimi i Kryeministrit Edi Rama, nuk e trondit kartelin e drogës të instaluar nga Rilindja.

?Me propozim të Ministrit të Brendshëm, Fatmir Xhafaj, qeveria liroi nga detyra Drejtorin e Përgjithshëm të Policisë së Shtetit, Haki Çako.

ZGJIDHJA e përshëndet këtë vendim, megjithëse ai është shumë i vonuar dhe me motivacion të gabuar.

Ky vendim nuk e trondit aspak kartelin e drogës të instaluar në vend nga Rilindja. Haki Çako dhe gjithë zinxhiri komandues i Policisë së Shtetit duhet të kishin ikur nga detyra dhe të kishin shkuar përpara drejtësisë mëse një deri në dy vite më parë, kur u vunë në shërbim të planit ogurzi të Kryeministrit për të kanabizuar vendin, nën mbrojtjen dhe ndihmën e pakursyer si ortake në biznes të policisë së shtetit?, është shorehur Kokëdhima.

Sipas të njëjtit, Rama ideoi, projektoi, implementoi dhe udhëhoqi planin për kanabizimin e Shqipërisë.

?Dorëzimi? i Policisë tek krimi i organizuar, sipas Kokëdhimës më shumë ngarkon me përgjegjësi Kryeministrin Rama, se sa ish ministrin e brendshmë, Haki Çakon, drejtorët, apo shefat e komisariateve

?Pablo Eskobari do ta kishte zili këtë perandori të drogës që ngriti Timonieri i Rilindjes.

Implikimi kriminal i drejtuesve të policisë në trafikun e drogës e kriminalizoi gjithë trupën policore, duke e bërë atë palë dhe shërbëtore të trafikantëve.

Ajo u dorëzua te krimi i organizuar që zaptoi vendin, duke komanduar gjithçka dhe duke mbjellë terror. Situata e rëndë e sigurisë është pasojë e atij implikimi kriminal të strukturave shtetërore dhe kjo bën përgjegjës më tepër se ish-ministrin e Brendshëm, Haki Çakon, drejtorët, apo shefat e komisariateve, kryeministrin që u bë presidenti i kartelit të drogës, duke rrënuar ekonominë dhe imazhin e vendit.

Reportazhi i revistës britanike ?The Times?, më i fundit ndër dhjetra artikuj kushtuar kriminalizimit të vendit nga Rilindja nga mediat më të mëdha të botës, tregon se nuk mund të ketë kthesë në Shqipëri, pa largimin e kryeministrit të drogës.

Zëvendësimi me një tjetër zyrtar të përfolur për lidhje me strukturën që u vu në shërbim të trafikantëve, është sinjali më i fortë se presidenti i kartelit të drogës nuk ka ndërmend ta dorëzojë biznesin e tij që ngriti në ortakëri me kriminelët.
ZGJIDHJA përsërit se vetëm largimi i tij nga drejtimi i qeverisë do të mundësojë një spastrim të thellë dhe real të Policisë së Shtetit, vendosjen e dinjitetit të saj dhe të sundimit të ligjit në vend?, ka shkruar më tej në rrjetet sociale./CityNews