Pse Fatos Lubonja e vlerëson deklaratën e ambasadorit Lu “bombë lotsjellëse”

9 Tetor 2017, 10:17, Aktualitet CNA

I prononcuar rreth deklaratës së ashpër të ambasadorit amerikan Donald Lu, lidhur me sundimin e jetës shqiptare nga klane dhe familje mafioze, analisti Fatos Lubonja, ka sjellë në ?Panorama?,ditën e sotme, një shkrim-opinion të titulluar ?Bombat lotsjellëse e Lu-së?. Mirëpo pse ai e etiketon deklaratën e ambasadorit të tillë?

?Ambasadori Lu e la në heshtje shpjegimin e deklaratës së tij se katër klane dhe njëzetë familje kontrollojnë vendin. Kjo bëri që ajo të komentohet gjatë gjithë javës që shkoi si asnjë lajm tjetër. Më skeptikët thanë se kemi të bëjmë me një keqinterpretim apo eksagjirim të mediave, sepse ambasadori deklaroi edhe se është i lumtur në Shqipërinë e Ramës, jo si ata 56% që duan të ikin?, shkruan në hyrje të opinionit Lubonja. Dhe më tej vijon:

?Disa thanë se ky ishte një reagim emocional, që e kishte nxjerrë ambasadorin jashtë kornizave të diplomatiti. Edi Rama tha se kjo ishte një ndihmë që po i jepte ambasadori në luftën kundër krimit. Por më të shumtët e interpretuan deklaratën e tij si një? bombë? e hedhur kundër qeverisë. Dhe ky interpretim, duke patur parasysh mbështetjen që i ka dhenë Lu qeverisë Rama, u bë problemi i problemeve. Sepse pyetja që ngrihej logjikisht ishte: mirë që e kontrollojnë vendin, por si e kontrollojnë? Cili është raporti i këtyre kontrolleve me kontrollorin e madh shtetin dhe qeverinë? Mos ambasadori mendon se shteti ndihet shumë i dobët përpara këtyre klaneve që janë të mirëorganizuar? Apo se ka disa segmente të shtetit që janë të lidhur me krimin?Apo ka filluar të mendojë edhe ai si një pjesë jo e vogël se krimi dhe shteti janë e njëjta gjë, në Shqipëri, siç ndodhi dhe me ambasadorin Arvizu pë andej nga fundi i mandatiti e mori vesh se çndodhte tek ne.

Kategoria e këtyre komentuesve filloi të ndërtojë shpresën se Amerika mori vesh më në fund se çfarë po ndodh në Shqipëri, e njohu fytyrën e vërtetë të Edi Ramës dhe tani gjerat do të ndryshojnë, se s?mund ta lejojnë ata një gjëndje të tillë.Shikoni tani kur të nxisin popullin të ngrihet në kryengritje (se kot nuk foli ambasadori për të drejtën e popullit për të përmbysur qeveritë), apo kur të vijnë ata të FBI-së ta pastrojnë vetë vendin nga krimi.

Mirëpo më në fund ambasadori foli vetë e dha një përgjigje që na i davariti këto hamendje të shumta. Nëpërmjet një komunikimi virtual me gazetarin Skënder Minxhozi që iu drejtua politikanëve që të mos grinden me njeri-tjetrin, por të punojnë për të futur në burg kriminelët. Nëse deklarata e parë mund të quhet bombë, kjo e dyta na bëri t?i vëmë bombës epitetin lotsjellëse…?, shkruan Fatos Lubonja në opinionin e vet, që e mbyll me frazën: ?Prandaj ngulmoj se në vend të shpresës tek bombat e ambasadorëve, që shpesh na dalin lotësjellëse, është më mirë t?i ndërtojmë shpresat në atë thënien tonë të urtë:?I zoti e nxjerr gomarin nga balta?.