web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri më i suksesshëm braktis Ramën

6 Tetor 2017, 18:05, Aktualitet CNA

Ish-ministri i Brendshëm Saimir Tahiri, si duket vijon të jetë i mërzitur nga lideri i tij Edi Rama, ndonëse ky i fundit nuk e la pa gjë.

Ndërsa Kryeministri ka prezantuar platformën e bashkëqeverisjes me qytetarët, platformë e cila i është besuar për tu drejtuar ish-ministrit të Brendshëm Saimir tahiri, i proklamuar nga vetë Rama, si ministri më i suksesshëm i qeverisë “Rama 1”, i caktuari në këtë detyrë nuk është parë askund. Por siç tha edhe vetë Kryeministri, duhet të jetë diku.

?Kemi caktuar një koordinator Kombëtar, Tahirin. Nuk e pashë sot, por me siguri do jetë diku. Ai do vërë në dispozicion të procesit eksperiencën e tij organizative. Do bëjë pikërisht këtë gjë, me mbështetjen e të gjithëve ne. Do angazhohemi ne si qeveri dhe deputetë, e të gjithë anëtarët. Si do bëhet kjo? Në fazën e parë do bëhet me fjalë, më pas me vepra?, -tha Rama, duke lënë të kuptuar se ka një moskoordinim mes tyre, apo edhe një qejfmbetje të theksuar.

Nga një verifikim që “CityNews“, i ka bërë edhe profilit të ish-ministrit Saimir Tahiri, rezulton se postimi i fundit nga ai është më 19 korrik, edhe aty pa Edi Ramën.

A është kjo një braktisje ndaj Kryeministrit nga më i vlerësuari i tij? A do ta refuzojë Saimir Tahiri këtë detyrë, pasi të mosqenit i pranishëm në prezantimin e kësaj zyre, fundja edhe për të thënë dy fjalë mbart në vetëvete shumë pikëpyetje?

Kjo mbetet për tu parë në ditët në vijim. /CityNews





Lajmet e fundit nga