web counter
LEXO PA REKLAMA!

SHKARKO APP

App Store
Google Play

E fundit!

x

Dështon procesi i testimit për byzylykët elektronikë/MD sqaron arsyen

10 Gusht 2017, 17:06, Aktualitet CNA

Ministria e Drejtësisë ka reaguar në lidhje me testimin për byzylykët elektronikë, i cili duhet të zhvillohej sot, proces që nuk ndodhi.

Ministria ka ngritur një grup pune për procesin e verifikimit të funksionalitetit të byzylykëve elektronikë, të cilët përdoreshin për të dënuarit në arrest shtëpie.

Spias MD, procesi i verifikimit nuk u zhvillua sot për shkak se nuk janë apraqitur përfaqësuesit e kompanisë.

Sqarimi i Ministrisë së Drejtësisë:

Në vijim të procesit të ditës së djeshme për marrjen nën ruajtje të byzylykëve elektronikë pranë Ministrisë së Drejtësisë?, sot sipas procesverbaleve të nenshkruara midis kompanisë dhe grupit të punës në Ministrinë e Drejtësisë, do të duhej të kryhej procesi i verifikimit të funksionaliteteve të pajisjeve, me qëllim përfundimin e procesit të marrjes së tyre në dorëzim.
Fillimisht u ra dakord që procesi sot të fillonte në orën 9.00. Përfaqësuesit e kompanisë nuk u paraqitën. Për këtë arsye, grupi i punës rinjoftoi kompaninë që procesi do fillonte në orën 16.00. Edhe në orarin e ri përfaqësuesit e kompanisë nuk u paraqitën.
Grupi i punës ka vendosur që të bëjë testin e njërës prej pajisjeve për të parë funksionalitetin. Në varësi të këtij testimi, do të njoftohen edhe masat ligjore që do të marrë Ministria e Drejtësisë mbi këtë çështje./CityNews





Lajmet e fundit nga