web counter
LEXO PA REKLAMA!

SHKARKO APP

App Store
Google Play

E fundit!

x

Video e re nga atentati te "Komuna e Parisit"/Ku përfundoi makina e të plagosurit

3 Gusht 2017, 20:53, Aktualitet CNA

Një tjetër video është zbuluar nga plagosja me armë te “Komuna e Parisit”, ku shënjestër ishte një 24-vjeçar.

Mësohet se pikërisht në vendin që po shikoni në videon e publikuar nga “BW”, ka përfunduar makina me të cilën udhëtonte i riu Lorenc Hoxha pasi është qëlluar me armë.

Edhe këtu ka forca të shumta policie dhe qytetarë që vëzhgojnë momentin e mbledhjes së provave nga grupi hetimor.

Kujtojmë se dy mjete, një benz me targë AA 777 RT ku udhëtonte i plagosuri ka shkëmbyer zjarr me një tjetër mjet, në një zonë të populluar dhe në një orar që të shumtë janë qytetarët që zgjedhin të kalojnë jashtë shtëpive vapën e këtij fillim gushti.

Informacion paraprak
Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit.

Në vendngjarje kanë mbërritur shërbimet e policisë dhe ambulanca.

Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.

Janë ngritur pika kontrolli në hyrje-dalje të qytetit. Vazhdon krehja e zonës.





Lajmet e fundit nga