Pse hesht PD për 50 miliardët e rrugës Tiranë-Elbasan

14 Prill 2017, 10:30, Aktualitet CNA

Me vota unanime absolute në favor, deputetët e maxhorancës së majtë qeverisëse i kanë ndezur dritën jeshile shumës 50 miliardë lekëve të destinuar për përfundimin e rrugës Tiranë-Elbasan. Akordimi i saj ndezi debat në Komisionin parlamentar, lidhur me mostransparencën, ndërkohë që, çuditërisht, seanca plenare e Parlamentit nuk njohu asnjë lloj debate. Foli Taulant Balla, belbëzoi një farë ?transparence? ministri i LSI, Sokol Dervishaj dhe gjithçka vijoi me ?qetësi e dashuri?. Ndodhi kjo, ndërsa për akordimin e shumës 50 miliardë, pati jo pak kontestime mediatike që hidhinin dyshime të arsyeshme për praninë e ndonjë afere.

?Skandalet në qeverinë e Rilindjes nuk ndalen. Këtë herë nuk janë konçesionet apo ministrat socialistë, por një segmet i qeverisë ai që mbulohet ekskluzivisht nga LSI dhe Ilir Meta?,- raportonte Citynews, në koment të kësaj ndodhie, duke analizuar:

?Shtesa prej 35 milionë euro për investimin në Rrugën Tiranë-Elbasan, është afërsisht sa totali i vlerës që u përdor për të hapur një nga tunelet 2.2 dhe 2 km të këtij aksi rrugor. Shuma duket të jetë e madhe dhe krejtësisht e pa justifikuar. Një segment 4 km do të vlejë 35 milion euro, pra rreth 8.7 milion euro km, shtesë mbi vlerën fillestare të investimit? Një km në segmentin Elbasan-Tiranë ka kushtuar, sipas projektit, tenderit dhe zbatimit, gjatë qeverisë së mëparshmë, afërsisht 6 milion dollarë, ndërsa sipas shumë se dhënë së fundi është afërsisht 9.2 milion dollarë ose 50% më shumë??, analizonte Citynews, që vijonte të argumentonte përse pas dhënies së 50 miliardëve shtesë mund të fshihej ndonjë aferë e re e LSI.

I vetmi që e ka kaluar në heshtje këtë lëvizje miliardëshe fondesh, ka qenë Lulzim Basha, kryetari i PD. Megjithse nga nisja e debatit në Komisionin parlamentar tek aprovimi në Parlament, e më tej kanë kaluar jo pak ditë, Lulzim Basha, nuk e ka zenë kurrë në gojë akordimin e 50 miliardë lekëve shtesë për rrugën e sipërpërmendur.

I gjendur përditë në ligjërime mediatike, nga çadra ai ka shigjetuar Edi Ramën dhe PS, por kurrë LSI e Ilir Metën. Përse ka heshtur, ndërkohë që po të ishte PS dhe jo LSI-ja, forca politike që, si poseduese e Ministrisë së linjës, e administron këtë shumë, Basha do të kishte bërë namin. Mos ndoshta kjo ndodh nga që Basha ende është nën jermin e dashurisë së fshehtë me Ilir Metën? /CityNEWS