Kryetari i LSI-së, Ilir Meta, “thikë pas shpine” Edi Ramës dhe PS-së

14 Prill 2017, 15:07, Aktualitet CNA

Pak ditë më parë Citynews publikoi një shkrim-koment në qendër të të cilit kishte marrëdhënien midis dy partive të majta, PS-LSI, që në të njejtën kohë janë bashkolacioniste por edhe shemra.

?Përkundër deklaratave mediatike, që përpiqen të tregojnë se midis dy partive të maxhorancës, PS-LSI nuk ka çarje dhe asnjë konflikt, e vërteta është se beteja midis tyre vijon ende. Madje se konflikti midis tyre nuk ka rreshtur për asnjë çast. Mjafton të ndiqen deklaratat respektive të përfaqësuesve të lartë politik të palëve për tu bindur se ditët e fundit lufta midis PS dhe LSI është shndërruar në finale…?, vlerësonte Citynews, që në mbështetje të këtij vlerësimi sillte fakte nga javët e muajt e shkuar të kësaj marrëdhënieje.

Ndërkohë që jo më larg se paraditen e sotme, njëri nga dy protagonistët, Ilir Meta, e ripërforcoi konkluzionin, madje duke shkuar më tej. Duke treguar një histori të nëntë viteve të shkuara, kur siç Edi Rama sot, kryeministër i socialistëve ishte Fatos Nano.

I gjendur në mbledhjen e Komitetit Drejtues të LSI, kryetari i kësaj force politike, Ilir Meta, bëri një deklaratë të fortë kundër kryeministrit Edi Rama, kur e vlerësoi atë si kryeministër të Shqipërisë dhe jo vetëm të PS, ndaj dhe duhet të jetë i përmbajtur. Por jo vetëm kaq.

?Unë them që Edi Rama të jap dorëheqjen, dhe të krijojmë një qeveri besimi… Nuk ekziston besimi… Edi Rama ka detyrim kushtetues të garantojë besim për zgjedhje të lira dhe të ndershme. Ai duhet të jetë i përmbajtur në mënyrë që të mos i japë shkas palës tjetër për të përshkallëzuar dhe ajo një retorikë të papranueshme?, ka plotësuar Meta, duke rikujtuar Ramës se LSI është mësuar me të tilla situate dhe e di që nuk ka çfarë humb.

?LSI nuk humb asnjë votë nëse largohet nga Parlamenti. Humbëm gjë kur u larguam nga PD??, pyeti ai retorikisht ndarkohë që duke përmendur atë çka ngjau me Fatos Nanon paralajmëroi: ?Po përmend një rast para 9 viteve pse dhashë dorëheqjen kur isha kryeministër, për fat të keq për zgjidhjen e krizës për zgjedhjet?. /CityNEWS