web counter
LEXO PA REKLAMA!

SHKARKO APP

App Store
Google Play

Droga mbulon vendin/ 200 forca policore kontroll nga toka dhe ajri

14 Prill 2017, 13:28, Aktualitet CNA

Policia e Shtetit ka njoftuar ditën e sotme se po vijon kontrollin e të gjithë territorit nga ajri dhe toka për parandalimin e kultivimit të bimëve narkotike.

Mësohet se kanë dalë rreth 200 forca policore në terren, të cilët kanë spikatur banesa dhe mjete të dyshimta ku mund të jetë fshehur droga.

Ky është njoftimi i Policisë:

“Policia e Shtetit vijon kontrollin e territorit për parandalimin e kultivimit të bimëve narkotike.

Paralelisht vijojnë kontrollet në territor edhe në ish magazina e depo shtetërore, Ish reparte ushtarake, tunele, shtëpi të braktisura, sera e çdo ambient tjeter të dyshuar se mund të përdoren për magazinim të lëndës narkotike apo për kultivim të bimëve narkotike.

Në ketë kuader gjatë ditës së sotme rreth 200 forca Policore, FNSH, Drejtoria Kundër Narkotikëve, Drejtoria për Hetimin e Krimeve në bashkëpunim me Policinë Durrës kanë ushtruar kontrolle të imtësishme në territor.

Kontrollet kanë vijuar nga ajri dhe toka.

Kontrollet u përqëndruan në zonën e Ishmit dhe në Manëz.

Nga ajri u filmuan tunele e objekte të dyshuara, ku më pas u kontrolluan nga toka nga F.N.Sh e Policia Vendore Durrës.

U kontrolluan 28 tunele, 31 magazina e ish magazina si dhe banesa të braktisura.

Kontrollet po vijojnë në të gjithë  territorin.

Policia e Shtetit është e vendosur në luften e pandërprerë për ta zhdukur këtë fenomen.”/CityNews





Lajmet e fundit nga