web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Zbulohen negociatorët e takimit Rama-Basha/Mjaft e vështirë, por jo e pamundur

8 Prill 2017, 08:50, Aktualitet CNA

Prej disas ditësh vazhdojnë negociatat për një takim të mundshëm Rama-Basha. Fillimisht u deklarua se negociator i këtij takimi ishte ambasadori Amerikan, Donald Lu, por CityNews zbulon emrat e personave që kryeministri dhe kreu i PD kanë ngarkuar me komuminikimin dhe përgatitjen e detajeve për një takim të mundshëm.

Kreu demokrat Lulzim Basha, ka caktuar Oerd Bylykbashin si negociator, i thanë burime zyrtare nga PD, CityNews. Bylykbashi është personi nga opozita që diskuton detajet dhe përcjell mesazhet zyrtare, apo merret me përgatitjen e takimit Rama- Basha.

Kryeministri Edi Rama, ka caktuar Vali Bizhgën, shefen e tij të kabinetit si personin që kontakton dhe zhvillon bisedimet paraprake në emër të tij, i thanë CityNews burime zyrtare nga qeveria. Vali Bizhga e ka pasur edhe më parë këtë rol negociator mes palëve, ashtu si dhe Bylykbashi.

Këta janë dy personazhet që komunikojnë vazhdimisht në lidhje me takimin e prishëm Rama-Basha. Kreu i qeverisë tha dje se pret prej disa ditësh konfimimin e vendit dhe orës të takimit nga Lulzim Basha, ndërkohë kreu i PD theksoi se e priste Ramën në çadër në çdo kohë me dorëheqje me vete.

Këto janë qëndrimet politike në distancë ndërsa Bizhga dhe Bylykbashi, vazhdojnë komunikimet e ethshme, për të ofruar palët në tryezë dhe kjo duket mjaft e vështirë, por jo e pamundur./Citynews





Lajmet e fundit nga