Beteja Rama-Meta/ Ja deputetët që kanë braktisur kryeministrin

26 Nëntor 2016, 14:06, Aktualitet CNA

Partia Socialiste në parlament sot është në kuotat më të ulëta, ndoshta historike, por më minimalet si numra në përfaqësim pas vitit 2013.

Sipas listës zyrtare, të shpallur nga KQZ, në zgjedhjet e fundit PS siguroi 65 mandate, përfshirë këtu edhe atë të deputetit Spartak Braho, i cili megjithëse ishte përfaqësues i LSI-së ishte brenda listës fituese të PS-së në Tiranë.

Pa këtë mandat PS-ja ka në parlament aktualisht vetëm 62 mandate po të heqim edhe ato të deputetëve të LIBRA-s, Ben Blushi dhe Mimoza Hafizi.

Nga ana tjetër, një tjetër emër është larguar nga lista e deputetëve të PS-së, deputeti i Lezhës Eduart Ndocaj. Së fundmi ai ka marrë drejtimin e Partisë Emigracioni Shqiptar dhe duke qenë mjaft kritik me Rilindjen. Ikja e tij e çon në 61 numrin e përfaqësuesve të PS-së në parlament.

Këto 61 numra në fakt nuk janë të sigurta dhe nën kontrollin e plotë të Ramës po të kemi prasysh faktin se disa deputetë socialistë janë rebeluar edhe publikisht kundër tij megjithëse nuk janë larguar nga PS dhe Rilindja. Një nga kritiket e kryeministrit Rama është deputetja e qarkut të Korçës Arta Dade. Gjithashtu një emër tjetër, megjithëse në heshtje, është deputeti ?legjendar? Namik Dokle. Pas tij ka edhe të tjerë emra që kanë patur qëndrime të forta kundër ministrave apo drejtuesve të lartë socialistë. Këtu përfshihet Vladimir Kosta, pa lënë mënjanë Tom Doshin, Parid Carën apo ndonjë tjetër. Këta të fundit kanë ngelur te faza e akuzave, por gjithmonë kanë votuar vendimet politike dhe ligjet e qeverisë në parlament.

Me një llogari mjaft të thjeshtë kryeministri Rama dhe PS-ja kanë nën kontroll rreth 60 mandate deputetësh. Një numër votash që ndoshta me një lëvizje, siç vepron Ilir Meta, nmund të sjellin destibalitet të fortë dhe rrëzim të qeverisë pasi PS+PDIU nuk kanë 71 mandate, përfshirë edhe ndonjë ?delfin? te opozita apo LSI-ja.

Kur jemi jo larg, por 6 muaj nga zgjedhjet, kryeministri Rama dhe PS-ja kanë minimumin e numrave në parlament dhe qeveria në çdo moment është e rrezikuar të rrëzohet thjesht dhe vetëm nga një lëvizje e Ilir Metës, i cili gjithmonë e më shumë po flirton me Lulzim Bashën. /Citynews