E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

78 kg kanabis në kufirin greko-shqiptar/ Policia e Shtetit jep detaje

26 Nëntor 2016, 15:03, Aktualitet CNA

Sekuestrohen mbi 78 kg marijuanë në kufirin greko-shqiptar. Mësohet se droga u kap në një mjet në Argos Orestiko pranë Kosturit, në mjetin që drejtohej nga një 50-vjeçar grek që u arrestua u sekuestruan 15 pako me 78 kg 400 gram marijuanë që ishin marrë në kufirin e gjelbër.

U sekuestruan 1 celular dhe makina, ndërsa në kërkim u shpall një grek, 45 vjeç që rezultoi bashkëpunëtor përmes telefonit.

Njoftimi i Policisë së Shtetit:

Më datën 25.11.2016 në orët e mbrëmjes mjetet speciale të vëzhgimit të instaluara në kufirin e gjelbër nga ana e Policise Kufitare Kapshtice, në rajonin e piramidave 43-44 (fshati Ponçarë-Devoll) transmetuan sinjalin me foto ku tregohej një shtetas i paidentifikuar dhe 2 kafshë dore që dallohej se ishin të ngarkuara me thasë duke lëvizur në drejtim të shtetit grek.

Pas sinjalit të dhënë, u njoftua menjëherë Patrulla e Policisë Kufitare dhe u orjentua për të shkuar në drejtimin e dhënë.

Njëkohësisht Shefi i Sektorit të Kufirit Korçe ka komunikuar me telefon me homologun e Policisë Greke, duke i shpjeguar dhe orjentuar për situatën konkrete.

Nga ana e Patrullave të Policisë Kufitare të Kapshtices ka vijuar ndjekja e tyre, ndjekje e kryer në kushte te errësirës së plote dhe mjergullës së dendur.

Nga komunikimi i vazhdueshëm me homologët e policisë greke, Policia Kufitare Kapshtic? u informua se rreth orës 04.30, në afërsi të fshatit grek Argos, rreth 12 km në brendësi të kufirit, forcat e policisë greke kanë kapur një shtetas grek me 4 (katër) thasë me lëndë narkotike kanabis sativa me peshë 78 kg.

Nga tërësia e veprimeve rezulton se lënda narkotike e kapur ka lidhje të drejtpërdrejtë me informacionin e shkëmbyer mes Policisë Kufitare të Kapshticës dhe asaj Greke.

Për sa më lart, homologët e policisë greke shprehën falenderim për bashkëpunimin e mësipërm. /Citynews

78 kg marijuanë në kufirin greko-shqiptar/ Arrestohet 50-vjeçari grek