web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Zvarritet miratimi i plotë i paketës

7 Tetor 2016, 07:17, Aktualitet CNA

Ligji për organet e qeverisjes në sistemin e drejtësisë u shty për në ditët në vijim. Ai nuk kaloi dje në sencën plenare. Ligji i cili do mundësojë ngritjen e Këshillit të Lartë Gjyqësor, të Prokurorisë apo Këshillin e Emetimeve në Drejtësi ende nuk e ka marrë miratimin. Pas një seance të gjatë me debate, akuza dhe kundërakuza, Parlamenti miratoi me 122 vota ligjin që parashikon ngritjen e Prokurorisë së Posaçme dhe të Byrosë Kombëtare të Hetimit, ndërsa 4 ligjet e tjera që kanë të bëjnë me trajtimin e trupës së drejtësisë, gjykatat dhe prokuroritë u votuan me 86 vota të mazhorancës. Ndërkohë, edhe pse ishte paralajmëruar dhe u diskutua edhe në Parlament, projektligji ?Për qeverisjen e sistemit të drejtësisë?, nuk u votua.

Zbatimi i reformës në drejtësi është i pamundur pa miratimin e të gjithë ligjeve të paketës. Kjo tregon se politika po zvarrit procesin. Vetingu dhe shtyrja e ligjit e favorizojnë zvarritjen.

Gazeta Sot bën të ditur se të kontaktuar nga gazeta, anëtarët e majtë të Komisionit të Reformës në Drejtësi thanë se komisioni do të rimblidhet dhe do të kërkohet konsensusi me opozitën sa i përket formulës së zgjedhjes së 5 anëtarëve jo gjyqtarë dhe jo prokurorë për Këshillin e Lartë të Gjyqësorit dhe atij të Prokurorisë. Sipas burimeve, shtyrja e ligjit për organet e reja ka ardhur edhe për shkak të ndërhyrjes së ambasadorit Donald Lu. Është mësuar se në takimet e së mërkurës Donald Lu u ka kërkuar dy kryetarëve të mazhorancës të gjenin formulën e konsensusit me opozitën, që e konsideron këtë ligj thelbësor për pavarësinë e sistemit të ri të drejtësisë. Ndërkaq, të pyetur përfaqësuesit e opozitës në komisionin e reformës në drejtësi, thanë se nuk ishin njoftuar më parë për shtyrjen e ligjit për qeverisjen e organeve të drejtësisë. /Citynews.al

 





Lajmet e fundit nga