web counter
LEXO PA REKLAMA!

SHKARKO APP

App Store
Google Play

Vrasje në Shkodër/ Vdërron jetë 47 vjeçari

6 Tetor 2016, 15:16, Aktualitet CNA

Një tjetër ngjarje e rëndë ka ndodhur sot në Shkodër. Një vrasje ndodhi në Shkodër rreth orës 11.00 të ditëss ë sote, ku viktimë mbeti një 47 vjeçar. Ngjarja ndodhi në fshatin Mal i Jushit, bashkia Vau Dejës.

Viktima u identifikua si Genc Mhillaj (Pjetri) 47 vjeç nga Torovica, i cili u qëllua me armë zjarri nga persona ende të paidentifikuar dhe ndërroi jetë rrugës për në spital.

Burime policore bëjnë me dije se Mhillaj ka qenë duke drejtuar automjetin tip kamionçinë me targa AA 609 IV, i cili ishte i ngarkuar me miell dhe misër, ndërsa pasagjer me të ndodhej edhe një tjetër person.

Me të mbërritur në zonën e Malit të Jushit, aty ku viktima kishte marrë prej kohësh një tokë me qera në të cilën punonte, ai është konfliktuar me personin që kishte në automjet.

Në sherr e sipër ai ka ndaluar duke braktisur mjetin dhe është larguar me shpejtësi drejt arës, por autori e ka ndjekur duke e qëlluar për vdekje.

Plumbi mësohet se e ka prekur në ballë viktimën, ndërsa policia u lajmërua nga banorët e zonës.

Rreth tre orë më vonë policia bëri të mundur identifikimin e autorit të dyshuar për vrasjen. Sipas bluve ai është një i ri nga Lezha me të cilin ishte konfliktuar dy ditë më parë fizikisht.

?Autor i dyshuar i vrasjes është shtetasi Jozef Mujeci, 21 vjeç, banues në Lezhë. Motivi i kësaj ngjarje është një konflikt i ndodhur para 2 ditësh në fshatin Torovicë, ku viktima e ka vazhduar konfliktin edhe fizikisht? informon policia.

Efektivët e Shkodrës dhe Forcat e Ndërhyrjes së Shpejtë, si dhe një automjet i blinduar i cili është vënë në ndjekje te autorit dhe bashkëpunëtorit të tij, identiteti i të cilit nuk bëhet i ditur për arsye hetimi.

Policia po heton për zbardhjen e plotë të vrasjes së 47 vjeçarit banues në Torovicë dhe me origjinë nga Tropoja.

Krimi i rëndë vjen pas vrasjes së dyfishte dhe plagosjes së 4 personave vetëm 3 ditë më parë në Dajç. /Citynews.al

 





Lajmet e fundit nga