web counter
LEXO PA REKLAMA!

SHKARKO APP

App Store
Google Play

Klajda Gjosha: LSI, partia e qytetarëve që kanë nevojë të dëgjohen

6 Tetor 2016, 13:47, Aktualitet CNA

Zgjedhjet në parti kanë qenë në qendër të diskutimeve në takimin që e deleguara e LSI-së, në Pogradec, Klajda Gjosha dhe Nënkryetari i LSI-së Endrit Braimllari, zhvilluan me strukturat e LSI-së në këtë qytet. Në fokus ishin përzgjedhja e delegatëve me qëllim që Pogradeci të përfaqësohet në mënyrë sa më dinjitoze në Konventën Kombëtare të LSI-së.

Gjosha u shpreh se në këto zgjedhje të brendshme LSI-ja, vjen me kandidatë të cilët shpalosin platforma dhe ide të cilat i shërbejnë përmirësimit të saj.

?Kjo është gjëja më e rëndësishme për mirëfunksionimin e një partie. LSI-ja është partia e të gjithëve, ku progresi mundësohet duke ofruar alternativa, platforma dhe ide?,tha Gjosha

E deleguara e LSI-së në Pogradec, kërkoi angazhim maksimal të strukturave për një përfaqësim sa më dinjitoz.

?Ne duhet të punojmë të gjithë bashkë që të hapim LSI-në,  ndaj njerëzve të mirëarsimuar, figurave me peshë në qytet, duke e shtuar me anëtarë të rinj, të cilët kanë potencialin për të kontribuar. LSI-ja ka nevojë  për këtë lloj fryme, ka nevojë të rritet më shumë dhe për këtë kërkohet angazhim i të gjithëve, në mënyrë që të përfaqësohemi sa më denjësisht?, tha znj. Gjosha. LSI-ja është partia e të rinjve, ndaj është me shumë rëndësi puna me rininë. Janë të rinjtë ata që  do të jenë fytyrat e të ardhmes së LSI-së, janë të rinjtë që me vendosmërinë dhe energjinë e tyre do të ta bëjnë më të fortë këtë parti. Ekipi i të rinjve duhet të jetë më aktivi?, tha Gjosha.

Nga ana tjetër nënkryetari i LSI-së, Endrid Braimllari duke u ndalur në çështjet organizative, theksoi se respektimi i strukturave, mobilizimi i bazës, duhet të jetë maksimal, në mënyrë që  LSI-ja të ecë përpara dhe të forcohet akoma dhe më shumë, duke përfaqësuar sa më shumë njerëz në struktura. Braimllari, u shpreh se përzgjedhja e 35 delegatëve të qytetit do të bëhet sipas parimit një anëtar, një votë  dhe do të jetë një garë reale njësoj si ajo për zgjedhjen e kryetarit të përgjithshëm të LSI-së. /Citynews.al

 

 





Lajmet e fundit nga