web counter
LEXO PA REKLAMA!

SHKARKO APP

App Store
Google Play

Manjani: Gjykata, jo vendime pa marrë informacion nga ZRPP

5 Shtator 2016, 12:45, Aktualitet CNA

Ministri i Drejtësisë Ylli Manjani ka kërkuar që gjyqtarët të mos japin vendime pa marrë informacionin e duhur nga Zyrat e Rregjistrimit të Pasurive. Ai tha se do ta përcjellë me shkrim në formën e një qarkoreje këtë kërkesë të tij e cila do të urdhërojë të gjithë gjyqtarët që të mos japin asnjë vendim për cështje pronësie pa qenë palë në gjyq ZRPP ose të kërkojë nga ky institucion verifikim për pronën e cila është në gjykim. Manjani e bëri këtë deklaratë në takimin e 5 drejtuesve të institucioneve për rivlerësimin e pronave.

?Kam një thirrje për gjyqtarët që gjykojnë mosmarrëveshjet në çështjet e pronësisë. Të mos lëshojnë asnjë vendim gjykate të një procesi gjyqësor që nuk është palë ZRPP ose minimalisht të verifikojë paraprakisht statusin ligjor të pronës. Sepse lëshohen vendime gjykatash dhe kur vijnë në ZRPP prona është e zënë dhe kjo krijon mbivendosjen.

Këshillën dhe sugjerimin do e bëj qarkore me shkrim për të gjithë qytetarët e gjyqtarët që japin vendime. Ata duhet të sigurohen që kanë marrë informacion nga ZRPP dhe më pas të japin vendimin?, tha ministri i Drejtësisë Ylli Manjani.

?Deri në fund të vitit të mbyllen aplikimet. Cilido që ka marrë leje nga ALUIZNI do të regjistrohet automatikisht ZRPP. As Edi Rama as Ilir Meta nuk më kanë dhënë ndonjë mesazh apo sms që të mbroj askënd, kriteri i fortë dhe i rreptë do të jetë ligji?, theksoi Manjani.

Ministri Manjani Manjani kishte dhe një paralajmërim për drejtuesit e Hipotekave: Do ikë nga puna drejtuesi vendor nëse ka aplikime të patrajtuara. Është e papranueshme që të humbin dokumenta në zyrat e shtetit.

Nga ana tjetër ministrja e Inovacionit Harito informoi se brenda shtatorit do të ketë një  numër unik 118 për të marrë informacione në lidhje me pronën. /Citynews.al

 





Lajmet e fundit nga