web counter
LEXO PA REKLAMA!

SHKARKO APP

App Store
Google Play

E fundit!

x

Ekuacionet që duhet të zgjidhë Ilir Meta/Nga posti i presidentit pas hekurave të burgut

5 Shtator 2016, 08:27, Aktualitet CNA

*Nga  Elvi FUNDO

Kreu i Kuvendit dhe LSI-së Ilir Meta ka përpara shumë ekuacione politike. Këto kanë të panjohura por që duan zgjidhje, ato e çojnë Ilir Metën nga parajsa në ferr.

Këto ekuacione janë pjesë e skenarëve politikë që luhen në vend, skenarë të cilat Meta gjithmonë përpiqet ti çojë në favor të tij, por kjo pritet të provohet në zgjedhjet e vitit 2017.

Ekuacioni i parë lidhet me ëndrën presidenciale të Ilir Metës.  Por kjo ëndër ka disa të panjohura. Kreu i LSI ka pasur kundështi të ashpra nga SHBA, për më tepër ambasadori Lu ka qenë një kritik i fortë i Metës. Ky i fundit shkoi disa herë në SHBA për tu perpjekur të rregullojë imazhin e tij përtej oqeanit. Nga ana tjetër kujtojmë mesazhin e Metës në kuvend drejtuar Lu, ku dukej në panik dhe i kërcënuar.

Vetë Meta është sjellë vazhdimisht si njeriu mbi palët që gjen zgjidhjet. Një rol presidencial dhe parlamentar, me një grup që do ishte garanci e stabilitetit politik në vend. Kjo për sa kohë Basha dhe PD i mbajnë dyert e shkallmuara mjaft që Meta të shkojë tek ta.

Ëndra presidenciale është ndoshta edhe përtej SHBA, kalon edhe nga mandatet e deputetëve. Kjo për faktin se Ilir Meta mund të riskojë në 2017 për të shkuar në më shumë se 20 mandate deputetë për të luajtur një tjetër skemë. Zgjedhjen  kryeministër.

Në rast se Meta nuk zgjidhet president përpara zgjedhjeve, kreu i LSI më pas do tentojë të ketë sa më shumë mandate besnikësh në parlament. Në rast se nga 20 mandate, disa prej tyre të trafikuara, të shkojë në 30 mandate, me apo pa PS në koalicion, Ilir Meta do kërkojë postin e kryeministrit.

Me 30 mandate dhe koalicion me vete duke lenë ?të mëdhenjtë? me gisht në gojë, kreu i LSI ka çdo të drejtë të kërkojë më shumë pushtet. Nga katër në 8 ministri por edhe postin e kiryeministrit, që PD dhe Basha mund t?ja japin me argumentin për të larguar Ramën nga pushteti dhe të bëhen pjesë e qeverisë. Tentativa e dështuar për të rrëzuar Ramën gjatë reformës në drejtësi ishte një fakt që tregoi se palët kundër Ramës, mund të riafrohen me qetësi dhe dashuri.

Por të dy ekuacionet kanë disa të panjohura, sjelljen e SHBA ndaj tij, numrin e mandateve, daljen i vetëm ose jo në zgjedhje e kështu me rradhë. Këto janë lëvizjet e kreut të LSI-së, që janë në fakt edhe e ardhmja poltike e vendit. Këto janë dy lëvizje ndryshe, president ose kryeministër, por ndoshta edhe në pozicionin aktual duke marë më shumë ministra nga Rama, në zgjedhjet e rradhës. Kjo e bën edhe më të pushtetshëm dhe e kushtëzon kruen e qeverisë Edi Rama në çdo moment.

Ekuacioni i fundit, është ai që u tha publikisht nga Meta dhe përflitet në qarqet politike dhe mediatike. Burgu, nuk është alternativë e dëshiruar, por Reforma në Drejtësi, rihapja e Videos Meta-Prifti në një tjetër formë, shtrengimi prej SPAK i njerzve pranë tij, mund të sjellin që ?bajraktari? i LSI-së të përfundojë pas hekurave, i shoqëruar edhe nga të tjerë politikanë. Ky është skenari i fundit që sjell edhe fundin e epokës Meta-LSI./Shkruar për CityNEWS





Lajmet e fundit nga