web counter
LEXO PA REKLAMA!

SHKARKO APP

App Store
Google Play

Xhaçka: Edi Rama, i vetmi kryetar partie që sfidohet

28 Gusht 2016, 12:31, Aktualitet CNA

Deputetja socialiste Olta Xhaçka, përfaqësuese e Fondacionit Qemal Stafa, bashkëorganizator i Akademisë Verore të FREESH u shpreh sot për debatin në Partinë Socialiste. Duke iu përgjigjur interestit të të rinjve ajo tha se PS është e vetmja parti që zhvillon debat të brendshëm dhe konstruktiv për mënyrën si drejtohet, vendime dhe zhvillime të rëndësishme në Partinë Socialiste. ?Demokracia është hegjemonia e shumicës? u shpreh ajo, dhe këto debate shuhen gjithnjë me vote.

Në leksionin që mbajti, Xhaçka foli për ideologjitë që udhëheqin partitë dhe procesin e politikë-bërjes. Ajo u fokusua në rolin e shtetit përballë sfidave që has bota sot si kriza globale financiare që sipas saj nisi me Lehman brothers dhe gjunjëzoi disa nga ekonomitë më të fuqishme globale vuri në diskutim shumë parime dhe dogma dhe risolli në vëmendje pyetje shekullore mbi modelin më të mirë të organizimit të shoqërive dhe rolit të shtetit.

?Vlerat dhe parimet e kohës sonë janë vlerat dhe parimet e demokracisë sociale dhe ky është avantazhi i Partisë Socialiste dhe Programit të saj qeverisës. Në Partinë Socialiste besojmë se merita dhe talenti duhet të përcaktojnë suksesin. Besojmë tek barazia e mundësive dhe trajtimi i barabartë për të gjithë pavarësisht gjinisë, fesë, racës etj, besojmë tek shteti i së drejtës dhe barazia sociale; besojmë se shteti që duam duhet të nxisë të aftin ashtu siç duhet të mbrojë të dobëtin. Besojmë tek solidariteti si një çështje e identitetit të përbashkët social apo kombëtar që e ka burimin tek vlerat e përbashkëta?, vlerësoi Xhaçka, kryetare e Forumit të Gruas Socialiste. /Citynews.al





Lajmet e fundit nga