web counter
LEXO PA REKLAMA!

SHKARKO APP

App Store
Google Play

Foto+Video/ Shkatërrohet banda e grabitësve shqiptarë në Itali, i “tradhëton” një ‘selfie’

29 Qershor 2016, 17:12, Aktualitet CNA

Tre hetime të veçanta të hetuesve italianë çmontuan një organizatë shqiptare që merrej me grabitje të shumta.

Fakte të reja kanë dalë në dritë nga organizata që vepronte në Torino, ndërsa ka kryer më shumë se 100 grabitje.

Operacioni i gjerë u kodua ?Selfia?, për shkak se dy nga shqiptarët e arrestuar kanë fotografuar veten me një tablet të vjedhur, ndërsa fotoja është dërguar automatikisht tek një “folder” privat i pronarit.

Me sa duket, shqiptarët nuk u treguan të kujdesshëm në këtë rast siç ndodhte me grabitjet.

Të gjithë shqiptarët e arrestuar janë të moshës nën 30 vjeç. ?Vizitat? e shpeshta tek banorët e Torinos krijuan jo pak shqetësim tek ta. Grabitjet e tyre kanë nisur në fund të vitit të shkuar. Hetimet kanë zbuluar hartën e grabitjeve të 20 anëtarëve të bandës që shtrihet në zona të ndryshme të Torinos.

Shqiptarët banonin përveç se në këtë zonë edhe në Trento dhe Milano.  Pasi hynin nëpër banesa, përdornin gjithmonë të njëjtën metodë: vendosnin prapa dyerve mobilie ose sende të tjera për t?u siguruar që nuk vinin pronarët.

Nuk ka raste dhune të regjistruara. Të paktën 25 mijë euro para të gatshme janë sekuestruar nga policia e bashkë me to edhe bizhuteri, stoli dhe sende të tjera me vlerë. Shuma e përgjithshme përllogaritet 200 mijë euro.

10 persona janë dërguar në burg në veri të Italisë, ndërsa 7 të tjerë dyshohet se janë kthyer në Shqipëri, për të cilët do të lëshohet urdhër-arresti ndërkombëtar. Tre anëtarë të tjerë të bandës po kërkohet në mënyrë intensive në vendin fqinj./Ora





Lajmet e fundit nga