web counter
LEXO PA REKLAMA!

SHKARKO APP

App Store
Google Play

Pse Edi Rama nuk e shkarkon Elvis Rroshin ?

15 Qershor 2016, 11:32, Aktualitet CNA

Megjithëse një kryetar bashkie i ?Rilindjes? është arrestuar për mos deklarimin e dënimeve me vendim gjykate në formularin e vetëdeklarimit, kryeministri Edi Rama nuk e ka shkarkuar nga posti që ai mban.

Kryebashkiaku i Kavajës, Elvis Rroshi, ndodhet në burg prej disa ditësh, por nga kryeministri nuk ka asnjë veprim për shkarkimin e tij, edhe pse i ka të gjitha kompetencat ligjore.

Një rast i ngjashëm ndodhi disa javë më parë, ku kryebashkiaku i Peshkopisë, Shukri Xhelili, u përfshi në një skandal seksual. Kryeministri nuk u mendua dy herë, dhe e shkarkoi brenda 24 orëve Xhelilin.

Nga ana tjetër, Elvis Rroshi ndodhet në burg sepse nuk ka deklaruar të vërtetat e të kaluarës së tij për dënime që ka marrë nga drejtësia e vendeve të huaja dhe drejton Bashkinë e Kavajës nga qelia. Fillimisht Rroshi dha dorëheqjen pasi e pranoi që ishte dënuar në Itali. Pastaj tha se tërhiqet nga dorëheqja sepse nuk ishte i dënuar. Së fundmi, ai është arrestuar për deklarim të rremë në formularin e vetëdeklarimit në kuadër të dekriminalizimit.

Dy arsyet pse Rama nuk e shkarkon Rroshin

Arsyeja e parë lidhet me zgjedhjet e parakohshme në Kavajë. Edi Rama ka frikë nga zhvillimi i zgjedhjeve në Bashkinë e Kavajës, pasi një humbje e pritshme do të krijojë një frymë në të gjithë Shqipërinë se ?Rilindja? ka vdekur.

Arsyeja e dytë lidhet me vendimin që do të japë Gjykata për Rroshin. Kryeministri Rama është në pritje të vendimit për kryebashkiakun Elvis Rroshi. Ai po shpreson në pafajësinë e tij dhe gjithçka të kthehet në normalitet. Nëse Rama e shkarkon Rroshin dhe Gjykata e shpall të pafajshëm, mbështetësit e Rroshit mund ti kthehen kundër.

Aktualisht, Bashkia e Kavajës drejtohet nga një krybashkiak në burg. Kjo vetëm nga frika e Edi Ramës për ta shkarkuar Elvis Rroshin, në një kohë kur ai akuzohet për vepra të rënda penale në shtetet e huaja./citynews





Lajmet e fundit nga