Denoncimi në “Fiks Fare”/ Jufka të “tymosura” në ajrin e ndotur të Tiranës, AKU bllokon aktivitetin

17 Maj 2016, 18:15, Aktualitet CNA

Jufka dibre që prodhohen në mes të Tiranës

Një punishte në rrugën Mihal Grameno në Tiranë prodhon dhe shet jufka Dibre me një etike të pamiratuar nga AKU. Në etiketë vedi i prodhimit është Dibër, ndërkohë që punishtja ndodhet në katin e parë të një pallati në rrugën ?Mihal grameno? të kryeqytetit.

Fiks Fare solli mbrëmjen e sotme një tjetër rast që tregon sesa i pasigurtë është konsumatori shqiptar përballë produkteve ushqimore.

Pranë kësaj redaksie, pak kohë më parë erdhi një ankesë për një subjekt i cili pretendohej të prodhonte dhe tregtonte jufka në kushte të papërshtatshme higjenike. Sipas denoncuesit ky subjekt punonte vetëm pas orës 3:00 pasdite për shkak se ishte i paliçensuar.

Menjëherë gazetarët e Fiks Fare shkuan pranë këtij subjekti në rrugën ?Mihal Grameno?.Gazetarja e Fiks Fare pasi bleu jufka, të cilat ishin të paketuara me qese dhe kishin nje etikete në brendësi të tyre, kërkoi edhe faturën. Në vend të faturës tatimore, nga subjekti iu dha një letër e vogël ku ishte shënuar me shkrim dore sasia dhe çmimi për çdo qese. Për të vërtetuar nesë informacioni që kishte dhënë denoncuesi ishte i saktë, gazetarët e Fiksit, pyetën edhe në disa subjekte të tjera të zonës nëse kishin dijeni. Shitësit treguan se ky subjekt qëndronte gjate gjithe kohës me dyer të mbyllura pasi punonte kontrabandë.

Të ndodhur para këtij fakti, gazetarët e Fiks Fare njoftuan Autoritetin Kombëtar të Ushqimit, dega Tiranë. Sipas tyre ky subjekt kishte aplikuar për miratimin e etiketës, por në të nuk ishte ushtruar asnjëherë kontroll se gjithmonë ishte gjetur mbyllur. Në këtë rast specifik, inspektorët e AKU-së kërkuan ndihmën e Fiksit edhe njëherë. Bashkëpuntorja u paraqit pranë këtij subjekti, i cili ishte me qepenë të mbyllur pavarësisht se kishte njërëz brenda që punonin. Pasi priti më shumë se 15 minuta jashtë , bashkëpunëtorja arriti të hynte sërisht në punishte për të blerë sërish jufka. Në këtë mënyrë iu dha mundësi edhe futjes në subjekt të isnpektorëve të AKU-së. Ata ushtruan një kontroll të imtësishëm nga ku panë se ky subjekt nuk shërbente vetëm si punishte por edhe si shtëpi banimi. Infrastruktura nuk është e përshtatshme pasi nuk kishte ndarje të ambjenteve, tharjes dhe prodhimit. Makaronat (jufkat) thaheshin nëpër vasketa të cilat vendoseshin në një ambjent afër derës, ku kishte kontakt me pluhurin që ngihej në rrugë . Ky ishte i vetmi aspirim që i bëhej punishtes. Nga kontrolli u pa se në punishte kishte këpucë të vjetra të vendosura afër tavolinës së përgatitjes së jufkave. Në dhomë gjendej edhe një divan druri dhe lavatriçe. “Më shumë ngjan me një shtëpi banimi sesa një subjekt ku prodhohen jufka”- u shpreh Rovena Jahelezi, inspektorë e AKU-së e pranishme në kontrollin e kryer. Ajo shpjegon se subjekti , nuk kishte as faturë origjine të produkteve që duheshin për të bërë jufkat, si mielli etj. Pronarja tregon që miellin e blinin tek shumica dhe që vjen nga Mali i Zi. Ky subjekt kishte punuar në këto kushte që nga Janari i vitit 2016, kohë që figuron i regjistruar edhe pranë QKR-së. Regjistrimi në QKR është i detyrueshëm dhe më pas fillojnë proçedurat si për miratimin e etiketës, ashtu edhe për liçensimin e këtij subjekti në momëntin që plotëson kushtet.

Grupi i AKU-së pas kontrollit, deklaruan se kushtet ishin jashtë standarteve të kërkuara. Sipas ispektorëve të AKU-së ky subjekt kishte kërkuar çregjistrim pranë QKR-së që në muajin Mars, por edhe pse pa asnjë lloj dokumentacioni, ata ushtronin aktivitetin në mënyrë të paligjshme. Ndonesë nga pala e akuzuar u pretendua se nuk i shisnin këto produkte, u pa qartë me video e zë se si bashkëpunëtorja e Fiksit bleu 2 herë tek kjo punishte.

Pas inspektimit në bazë të ligjit “Për sigurinë Ushqimore”, u morën këto masa : Ndërpreje e aktivitetit. Masë me gjobë për mungesë dokumentacioni dhe për etiketimin e produktit. Subjekti u mbyll dhe u vendos posteri i bllokimit.