web counter
LEXO PA REKLAMA!

SHKARKO APP

App Store
Google Play

Drejtori i ARRSH-së sulmon qeverinë/ Dashamir Xhika: Kemi mungesë fondesh

17 Maj 2016, 16:41, Aktualitet CNA

Rruga Korçë ? Ersekë është lënë në mëshirë të fatit, në gjendje skandaloze, me gropa, pluhur dhe jashtë çdo standardi, për shkak të mungesës së fondeve.

Këtë fakt e zbulon Drejtori i Autoritetit Rrugor Shqiptar, Dashamir Xhika.

Në një komunikim me Televizionin Klan, Xhika e heq përgjegjësinë për situatën që vazhdon prej 3 vjetësh në këtë rrugë, duke theksuar se Autoriteti Rrugor ka përcjellë nevojën për fonde për këtë objekt, por sipas tij, nga qeveria nuk është çelur asnjë fond për vitin 2016.

Dashamir Xhika nënvizon se çelja e fondeve nuk është në autoritetin e institucionit që ai drejton, por të qeverisë shqiptare.

Drejtori i Autoritetit Rrugor Shqiptar i faturon qeverisë edhe detyrimet e prapambetura prej 6 miliardë lekësh firmës kontraktore ?ANK shpk? për punimet e kryera prej saj.

?Mos shlyerja e detyrimeve është pasojë e mos planifikimit të Fondeve?, sqaron Dashamir Xhika.

Rruga Korçë ? Ersekë, me gjatësi 17.5 kilometër, e nisur në Qershor të vitit 2013 duket të kishte përfunduar në Qershor të vitit 2015.

Por Dashamir Xhika e gjen tek qeveria Rama shkakun e zvarritjes së punimeve.

?Mungesa e fondeve ka sjellë si pasojë uljen e ritmit të punimeve të kontraktorit. Zhvillimi i punimeve është ndikuar nga mungesa e vazhdueshme e finacimit?.

Xhika thekson po ashtu se, qeveria nuk ka planifikuar fonde për këtë objekt as për vitin 2016.

Lënia e rrugës në këtë gjendje, jo vetëm e ka vështirësuar lëvizjen për qytetarët që e përdorin atë, por e ka kthyer atë në një aks të rrezikshëm.

Pak javë më parë një i ri humbi jetën dhe një tjetër mbeti i plagosur në një aksident të ndodhur pranë Urës së Selenicës, për shkak se mjeti i tij devijoi nga rruga, si pasojë e gjendjes së keqe të saj. /TV Klan





Lajmet e fundit nga