web counter
LEXO PA REKLAMA!

SHKARKO APP

App Store
Google Play

E fundit!

x

Ylli Dylgjeri: Edhe gjatë qeverisjes “Nano” u ofrua një pajisje përgjimi

16 Maj 2016, 18:44, Aktualitet CNA

Ish-Sekretari në Ministrinë e Brendshme gjatë qeverisë “Nano”, Ylli Dylgjeri ka deklaruar se një pajisje përgjimi është ofruar nga një kompani italiane edhe gjatë kohës që ai ushtronte detyrën në ministri. Përmes një postimi në rrjetet sociale, Dylgjeri shton se pajisja e përgjimit nuk u ble nga qeveria shqiptare pasi ishte në tagrin e tij, apo në ligjin e Policisë së Shtetit përdorimi i saj. Në postimin e tij, Dylgjeri ka rrëfyer edhe një batutë me ish-Kryeministrin Fatos Nano. Ky i fundit nuk “frikësohej” të fliste hapur në telefon pasi shprehej se nuk ekzistonin përgjues dhe as lekë për t’i blerë pajisje të tilla.

Postim i plotë i Ylli Dylgjerit

Në vitet 2000-2004 kam drejtuar Ministrinë e Rendit nga posti i Sekretarit te Përgjithshëm.Trafiqet edhe në këtë kohë ishin prezente në vend. Kujtoj se një kompani italiane kontaktoi me zyren time për të demostruar një aparaturë përgjimi, prodhim i vetë kompanisë italiane. Deri këtu nuk pashë asnjë shqetësim për të refuzuar demostrimin. Ekspozitat kudo janë të hapura edhe për publikun. Me sa kujtoj, në çdo Kongres Interpoli, kompanitë e prodhimit të aparaturave inteligjente ekspozonin prodhimet e tyre në ambjentet ku zhvilloheshin punimet e kongresit. Për të mos u zgjatur u njoha me paisjen dhe perdorimin e saj dhe kaq. Më tej, nuk ishte në tagrin tim, apo në ligjin e Policisë së Shtetit përdorimi i kësaj paisje. Njëherësh nuk pati kërkush iniciative, apo ngasje, për ti hyrë aventures së blerjes. Biles po kujtoj edhe batutën e ish kryeministrit të kohës Nano, kur ne nguronin te flisnim hapur në tel.
me Të, na e kthente me humor: fol hapur se nuk kemi as pergjime, e as lekë për të blerë përgjues!
Uroj që lajmi i hapur së fundi mbi paisjen e pergjimit në Ministrinë e Brendshme të jetë i rremë. Përndryshe, është SKANDAL!





Lajmet e fundit nga