web counter
LEXO PA REKLAMA!

SHKARKO APP

App Store
Google Play

E fundit!

x

Asgjësohen 28 mijë rrënjë kanabis në Vlorë dhe Sarandë

16 Maj 2016, 17:45, Aktualitet CNA

Policia e Shtetit ka bërë të mundur asgjësimin e 28 030 bimë kanabis, të kapura në Vlorë dhe Sarandë. Burimet bëjnë me dije se në fshatin Resulaj të Vlorës, blutë kanë zbuluar dhe asgjësuar 1.000 rrënjë bimë narkotike “Canabis” të mbjella në anë të lumit, me lartësi nga 5 cm deri në 10 cm.

Ndërsa në fshatin Sevaster, po në Vlorë, Policia ka zbuluar dhe asgjësuar 530 rrënjë bimë narkotike “Cannabis”, të mbjella në vendin e quajtur “Pylli Dobre”, prej të cilave: 220 rrënjë ishin të mbjella në kubikë dhe 310 rrënjë të tjera të mbjella në tokë, me lartësi nga 5 cm deri në 20 cm.

Policia e Sarandës në bashkëpunim me Policinë Kufitare, gjatë kontrollit të përbashkët për evidentimin e kultivimit të bimëve narkotike, në vendin e quajtur “Ish-Posta Kufitare Perdhikal”, kanë zbuluar dhe asgjësuar në total 26.500 rrënjë bimë narkotike “Canabis”, prej të cilave:

-3.500 rrënjë bimë narkotike “Cannabis” ishin të mbjella në tokë me lartësi 5 cm deri në 40 cm.

– 23.000 rrënjë bimë narkotike “Cannabis”, prej të cilave: 15.000 kubikë dhe 8.000 rrënjë të tjera ishin të mbjella në tokë, në fshatin Karroq, me lartësi nga 5 cm deri në 30 cm.

Policia bëri asgjësimin e tyre me djegie. Ndërsa po punohet për identifikimin dhe kapjen e kultivuesve.

Gjate veprimeve hetimore, Policia ka bërë të mundur identifikimin e njërit prej kultivuesve të 5841 bimëve narkotike që u asgjësuan në fshatin Ninat-Konispol, më datë: 14.05.2016, të cilin e ka shpallur në kërkim: D. A. 52 vjeç, banues në Sarandë. Burimet shtojnë se po punohet për kapjen dhe arrestimin e tij.





Lajmet e fundit nga