web counter
LEXO PA REKLAMA!

SHKARKO APP

App Store
Google Play

E fundit!

x

Strategjia e plotë e Ramës për ujin

29 Prill 2016, 11:50, Aktualitet CNA

Në fazën e dytë të reformës për ujin e pijshëm,  kryeministri Edi Rama, bashkë me dy ministrat e LSI, Edmond Haxhinasto dhe Edmond Panariti, paraqitën strategjinë kombëtare.

Rama tha se drejtuesit vendorë çelin këtë vit fazën e dytë dhe se pas dy vitesh degradidimi të infastrukturës është shënuar një kthesë transformimi rrënjësorë. Rama i bëri të qartë bashkive se financimi për sektorin e ujitjes dhe kanalizimeve do të varet nga rezultatet.

Kryeministri tha se qytetarët në nevojë, të varfrit do të ndihmohen nga qeveria për pagesat me ujin.

?Qytetarët që kanë vështirësi të paguajnë ujin do paguajë qeveria, për këta qytetarë do jenë në rregull si të tjerët dhe nuk do bëhen barrë për shoqëritë?.

Mes të tjerave Rama tha se ?drejtuesit vendorë celin fazën e dytë të reformës kombëtare të ujit, që është një nga reformat e mëdha, që ka kërkuar një fazë relativisht të gjatë përgatitore nnë drejtimin e ministrit të Transportit dhe Infrastrukturëes dhe nën mbështetjen e Këshillit Kombëtar të Ujit, për të hyrë në këtë fazë të dytë ku është e domosdoshme që sëbashku të fillojmë të jetësojmë këtë reformë që njësoj si disa reforma të tjera të mëdha të qeverisë sot është e vonuar prej 20 e kusur vitesh?.

Më tej, Kryeministri theksoi se, nëse një kryetar Bashkie nuk sjelle rezultate në mbledhjen e parave të ujit të shpenzuar në zonat e tij, atëhere ky person nuk do të marrë asnjë qindarkë për projekte.

“Bashkëpunimi mes nesh nënkupton edhe për detyrimet e ndërsjellta. Ne kemi një objektiv që duhet të jetë i përbashkët dhe do të punojmë me ju në ekip pa dallim partiak dhe pa dallim gjeografie për të siguruar uniformitetin e këtij transforimi me qëllim që ta çojmë sipërfaqen e ujitshme në 200 mijë Ha. Ajo që kërkohet prej jush të fokusoheni në zonat me intensive të prodhimit bujqësor dhe të hartoni projektet e rehabilitimit me mbështetjen e qeverisë. Ashtu sikundër njësite bashkiakë të njësisë së ujitjes dhe kullimit duhet të organizohen dhe të vihen në efektshmëri të plotë dhe performance e bashkive mbi treguesit e ujitjes do të jetë do të jetë pikënisja e mbështetjes financiare. Nuk do të japim vitin e ardhshëm mbështetje uniforme të asnjë natyre. Çfarë rezultate do të bëni sot do të jetë hap për të marrë financime nesër. Jeni zgjedhur nga populli në të gjitha bashkitë keni bërë premtimet tuaja. Qeveria do tju sigurojë të gjithë mbështetjen, por askush nuk duhet ta marrë mbështetjen financiare të qeverisë si të padiskutueshme. Në këtë sektor mbështetja financiare do të kushtëzohet nga rezultatet.”-tha Rama

Ndërkaq, ai shtoi se 61 ndërmarrje ujësjellësi janë shumë dhe se Shqipëria ka 28 për qind më shumë ujë sesa është nevoja. ?Për 26 për qind nuk arkëtohen të ardhura. Më shumë se gjysma e humbjeve nuk janë tenkike por keqaministrim dhe vjedhje. Deri tani janë 160 milionë dollarë investime në Shkodër, Elbasan, Berat dhe në një impiant përpunimi në Tiranë, si dhe janë 680 km zgjerimi rrjeti, 50 mijë lidhje të reja në qytet dhe 70 mijë në fshat dhe 57 mijë matës të rinj janë vendosur.

Më tej Rama foli edhe për sistemin e vaditjes dhe kullimit, ose për atë që e quajti ?Flotën e re?. Sipas Ramës, për kullim dhe vaditje janë blerë 61 eskavatorë të rinj, ndërsa në 15 vjet ishte blerë vetëm një eskavator i ri. ?Vitin e ardhshëm kjo flotë do të fuqizohet edhe më tej dhe 35 mijë hektarë më shumë do të vaditen, por synimi është që kjo shifër të shkojë në 200 mijë hektarë?-tha ai.





Lajmet e fundit nga