web counter
LEXO PA REKLAMA!

SHKARKO APP

App Store
Google Play

Shënim- Takimi Rama-Obama/ Po shqiptarët çfarë fituan ?

15 Prill 2016, 13:24, Aktualitet CNA

Dje, kreu i qeverisë shqiptare, Edi Rama, pati një takim me zëvendës presidentin e SHBA-ve Joe Biden dhe presidentin Barack Obama. Në fakt, sipas linkut të mëposhtëm presidenti amerikan i është bashkuar takimit Biden me kryeministrin e Shqipërisë. Këto detaje tashmë nuk kanë shumë rëndësi. Rëndësi kanë rezultatet e takimit si dhe ajo cfarë do përfitojnë shqiptarët pas këtij takimi. (https://www.whitehouse.gov/the-press-office/2016/04/14/readout-president-and-vice-presidents-meeting-prime-minister-edi-rama)

Sot, pas takimit, por edhe nesër shqiptarët do vazhdojnë të jenë po aq të varfër, po aq të papunë, po aq të bjedhur nga qeveria, por aq të turbulluar nga sherrnaja politike edhe pse Edi Rama u takua me Barack Obamën.

Shqiptarët nuk fituan asgjë, përvecse ardhjen e dymijë muxhahedinëve duke u kthyer në një kamp për ta. Pas takimit Obama Rama apo Biden-Rama, askush nuk ka thënë ende sa do jetë shuma financiare që do ti shtohet Shqipërisë pikërisht nga ky takim. Sa investitorë amerikanë apo sa projekte të tjera do të financohen më shumë nga qeveria e SHBA-ve vetëm sepse Rama takoi Obamën.

Marrëdhënia e SHBA-ve me Shqipërinë vazhdon të jetë e njëjta. Gjithcka do vazhdojë të jetë si më parë. Një takim kortezie ku nuk është diskutuar aspak për gjendjen që po kalon Shqipëria, krizën, papunësinë në rritje dhe nevojën që ka vendi ynë për zhvillim ekonomik.

Shqiptarët fituan masturbimin e kryeministrit në media. Kurse Rama fitoi një foto të cilën do ta shikojë shpesh si lavdi të tij./citynews





Lajmet e fundit nga