web counter
LEXO PA REKLAMA!

SHKARKO APP

App Store
Google Play

Denoncimet në citynews/ Ylli Manjani nuk jep licencën e noterëve

15 Prill 2016, 08:50, Aktualitet CNA

Pas denoncimeve të vazhdueshme të citynews për konkursin e noterëve, ku rezultoi se fituesit kishin lidhje nepotike me zyrtarët të ministrisë së Drejtësisë dhe me funksionarë të lartë të shtetit, ministri Ylli Manjani nuk i ka dhënë licencën e noterit disa prej tyre.

Burime nga Ministria e Drejtësisë thanë për citynews se ministri i Drejtësisë, Ylli Manjani i ka dërguar një letër ILKDPI-së për të verifikuar nëse mes fituesve të konkursit dhe zyrtarëve të lartë ka konflikt interesi. informacion mbi fituesit e konkursit të noterëve.

Në fakt, këtë verifikim, ministri Manjani duhet ta kishte kryer përpara se të zhvillohej konkursi i noterëve.

Citynews iu drejtua për informacion ministrit të Drejtësisë, Ylli Manjanit, por ai nuk pranoi të prononcohej në lidhje me këtë cështje. Ndoshta z.Manjani është mërzitur nga denoncimet tona, por kjo është detyra që ne kemi.

Ne e kuptojmë që heqja e licencave mund të ketë e dhe kosto, në ndonjë xhep të caktuar pranë Ministrisë së Drejtësisë.

Nëse ministri Manjani nuk e di detyrën tonë dhe detyrën e tij, duhet t i themi se ai ka për detyrë të mos lëshojë licenca ashtu sic flitet, për persona që kanë lidhje nepotike, duke paguar shuma deri në  100 mijë euro, apo për të bërë qoka e dhurata me licencën e noterit.

Ne kemi për detyrë të denoncojmë këto akte dhe do të themi gjithmonë të vërtetën. Nuk mjafton vetëm fakti që ministri është tifoz me Bayernin për të mos informuar publikun./citynews





Lajmet e fundit nga