web counter
LEXO PA REKLAMA!

SHKARKO APP

App Store
Google Play

Dështon procesi i akreditimit të universiteteve/ Henri Çili blindon monopolin e dokotoraturave

13 Janar 2016, 11:27, Aktualitet CNA

Bllokimi i doktoraturave në universitetet shtetërorë do të viojojë edhe për të paktën 1 vit.  Zyrtarë të ministrisë së Arsimit kanë deklaruar disa herë se nuk do të akordohen kuota për zhvillimin e ciklit të tretë të studimeve në universitetet publike, pa kryer më parë procesin e verifikimit dhe akreditimit të tyre nga agjencia britanike ?Quality Assurance Agency?.

Gazeta ?Sot? shkruan se  cdo vit MAS thotë të njëjtat gjëra lidhur me aktivitetin e kësaj agjencie, që po bën verifikime dhe po përgatitet për të bërë akreditimin. Nëse nuk ndodh një gjë e tillë, rrezikohet që të bllokohen edhe për vitin 2016-2017 doktoraturat.   Por çfarë po ndodh? Në muajin dhjetor, drejtoresha e arsimit të lartë në MAS, Linda Pustina, deklaroi se në janar do të nisë procesi i akreditimit të universiteteve në vend. Mirëpo, gazeta ?sot? shkruan  se puna nuk do të nisë këtë muaj, por me shumë gjasa as edhe në muajt në vijim. Po sipas kësaj gazete, agjencia vijon të jetë ende në fazën e vëzhgimeve dhe është shumë larg nisjes së procesit të akreditimit. Ka qenë vetë ministrja e Arsimit, Lindita Nikolla, e cila gjatë prezantimit të buxhetit 2016 në Komisionin e Edukimit dhe Medias u shpreh se do pritet procesi i akreditimit me qëllim akordimin e kotave  për doktoraturat.

Në këtë mënyrë, MAS ka forcuar monopolin e UET të Henri Çilit, i vetmi universitet në vend që ka aktualisht cikël të tretë studimesh. Edhe pse KLSH e cilësoi të paligjshëm favorizimin e privatit dhe kallëzoi Sekretarin e Përgjithshëm, Plarent Ndreca, dhe pedagogët kërkojnë akordimin e kuotave për doktoraturat, MAS nuk tërhiqet.





Lajmet e fundit nga