web counter
LEXO PA REKLAMA!

SHKARKO APP

App Store
Google Play

Prokuroria nis hetimet për ekspertin e reformës në drejtësi, Kristaq Traja

12 Janar 2016, 14:50, Aktualitet CNA

Prokuroria e Tiranës ka nisur hetimet për Kristaq Trajen. Ai njihet si ekspert i reformës në drejtësi që përfaqëson mazhorancën.

Sipas ?News 24?, hetimet për Kristaq Trajen nisën pas akuzave për mashtrim. Akuzat janë ngritur nga një familje me cështje në Strasburg.

Ekperti i reformës në drjetësi, Kristaq Traja përfaqësonte interesat e kësaj familjeje në Strasburg. Familja pretendon se Kristaq Traja i ka marrë 800 mijë euro përmes mashtrimit.

Kush është Kristaq Traja

Është diplomuar në drejtësi në Universitetin e Tiranës në vitin 1978. Gëzon një eksperencë 10-vjeçare si Gjyqtar në Gjykatën Evropiane të të Drejtave të Njeriut, Strasburg për periudhën 1998 ? 2008 dhe është një ndër akademikët më të njohur në Ballkan për të Drejtën Kushtetuese. Karriera e tij si profesionist në fushën e ligjit ka filluar në vitin 1986 ku ka ushtruar detyrën e specialistit në Sektorin e Studimeve pranë Prokurorisë së Përgjithshme deri në vitin 1991. Ai ka qenë anëtar i Bordit të Kodifikimit në Ministrinë e Drejtësisë gjatë periudhës 1991 ? 1992 dhe Zëvendës Ministër i Drejtësisë gjatë viteve 1992 ? 1993. Ai ka qenë gjithashtu anëtar i grupit të punës për hartimin e Kushtetutës Shqiptare të vitit 1998. Prej vitit 1994 ai është pedagog i së Drejtës Kushtetuese në Fakultetin e Drejtësisë dhe Shkollën e Magjistraturës. Gjatë periudhës 2012 – 2014 ai ka qenë Rektor i Universitetit Luarasi. Gjithashtu, që nga viti 2008 ai është Avokat në disa studio ligjore prestigjioze në vend. Është autor i disa publikimeve dhe përkthimeve në fushën e ligjit.





Lajmet e fundit nga