web counter
LEXO PA REKLAMA!

SHKARKO APP

App Store
Google Play

Korrupsion, plagosje dhe shpifje/ 7 deputetët e Kuvendit që kanë llogari me drejtësinë

12 Janar 2016, 08:36, Aktualitet CNA

Shtatë deputetë të parlamentit shqiptar do të përballen me akuzat e shpifjes, plagosjes dhe korrupsionit në Gjykatën e Lartë. Në ditët në vijim pritet të rinisin proceset gjyqësore për deputetët e akuzuar: Edi Paloka, Flamur Noka, Spartak Braho, Myqerem Tafaj, Armando Prenga, Genc Pollo dhe Luçiano Boçi.

Ndër gjyqet që nisin këtë vit është edhe ai i ish ministrit të Arsimit, Myqerem Tafaj, i akuzuar për shpërdorim detyre. Gazeta ?Sot? shkruan se nga dhjetëra dosje në zyrën e Adriatik Llallës, ai ishte i vetmi që e pësoi dhe tani do të duhet të përballet në Gjykatën e Lartë. Ndaj Tafajt u bë kallëzim nga Ministria e Arsimit me argumentin se ka akredituar shkollën e lartë universitare ?Vitrina? edhe pse Këshilli i Akreditimit pranë Ministrisë së Arsimit ka qenë kundër dhe e ka refuzuar kërkesën e universitetit. Pas hetimeve prokuroria gjeti elemente të veprës penale dhe e dërgoi dosjen në gjykatë.

Deputetët e akuzuar

1- Edi paloka, i paditur nga anëtari i Këshillit bashkiak Kukës, Abedin Oruci, për shpifje

2- Flamur Noka, i paditur nga ishkryebashkiaku i Kukësit, Hasan Halilaj, për shpifje

3-Spartak Braho, i paditur nga deputeti Tom Doshi për shpifje, përhapje paniku dhe shpërdorim detyre

4- Myqerem Tafaj, i akuzuar nga prokuroria për shëprdorim detyre

5-Armando Prenga, i akuzuar për plagosje dhe armëmbajtje pa leje

6-Genc Pollo, i akuzuar për shpifje nga zyrtarja e MAS, Erjona Isufaj

7-Luçiano Boçi, i akuzuar për shpifje nga zyrtarja e MAS, Erjona ISufaj





Lajmet e fundit nga