Kush po tenton t’i kapë partinë Lulzim Bashës?

31 Tetor 2015, 21:28, Aktualitet CNA

Lulzim Basha është ndoshta kryetari i një partie politike shqiptare që realisht ka themeluar institucionin e garës brenda partisë. Kritikët thonë se e bën këtë gjë pasi nuk do të marrë përgjegjësi, përkrahësit e afishojnë si një lider krejt ndryshe. Pak rëndësi ka se për çfarë qëllimi e bën, rendësi ka që Basha ka qëndruar larg ndikimit edhe kur u zgjodhën krerët e degëve me një anëtar një votë.

Megjithëse në raste të caktuara, më shumë se sa e demokratizoi PD-në, një zgjedhje e tillë e kryetarit Basha, e inkriminoi drejtimin e partisë në rrethe. Jo pak kryetarë aktual, me një të shkuar politike dhe korruptive të dyshimtë arritën ta blejnë drejtimin e partisë. PD në rrethe ka edhe kryetarë partie që në 2013-ën kanë grumbulluar vota për Ilir Metën.

Por e vërteta është se Lulzim Basha nuk u përzie. E njëjta gjë po ndodh e dhe me një garë që është hapur nga 6 të rinj të PD-së për kreun e Forumit Rinor Demokrat, thënë ndryshe FRPD. Forum që për hir së vërtetës deri më sot më shumë identifikohej më format e Çiljetës dhe video-klipet e Greta Koçit, se sa me kryetarin Gert Bogdani i cili duhet të jetë një mjeshtër për të marrë përsipër gjithçka e për të mos bërë asgjë.

Nuk do t?i kushtonim asnjë rresht kësaj gare deliri për lidership të 6 të rinjve demokrat, po të mos të na tërhiqte vëmendjen njëri prej kandidatëve. Jo kandidati si kandidat, por ata që i kanë marrë përsipër ta bëjnë kryetar forumi. Djali në fjalë është në të drejtën e vet t?i kërkojë kujtdo ndihmë për ambicien e tij dhe ashtu po bën. Deri këtu nuk ka asnjë problem për këtë mini garë në PD. Problemi qëndron në ata që i kanë marrë përsipër ta bëjnë kryetar forumi.

Bëhet fjalë për një kandidat që e ka emrin Ervin Salianji. E nisi fushatën me një foto tek dy kullat në qendër që të dukej si diku në Europë dhe po e vazhdon me daljen në të gjitha ekranët që nuk pranuan as t?i transmetojnë spotet elektorale PD-së gjatë fushatës edhe kundrejt pagesës.

Dhe po flasim për pronar mediash që për para bëjnë gjithçka. Janë të njëjtët pronar mediash që flisnin si pronarët e qytetit deri ditën që Basha deklaroi se nuk do të rikandidonte më për drejtimin e Tiranës. Pronarë që vrapuan në zyrën e Bashës për t?i thënë, na vjen keq por tani jemi me Erionin. Me atë i kemi interesat. Dhe janë në të drejtën e tyre. Por deri këtu. Lulzim Basha që e ka luks të gjëjë hapsirë edhe për vetë tek ?Top Channel?, gazeta e Çilit apo media e Irfanit, po shikon se si pas Edi Ramës, njeriu që ftohet të flas më shumë për fitoren e djemve të De Biazit është një djalë me emrin Salianji. E njëjta gjë ndodh edhe me mediat e mësipërme.

Në këtë rast Lulzim Basha nuk mund të bëjë sikur është i distancuar prej kandidatëve, pasi ata që deri dje flisnin në emër të tij po i shtrojnë tapetin një kandidati. Dhe po e bëjnë për vete, jo për djaloshin e ri. Asnjë funksion në opozitë sado periferik të jetë nuk mund ta diktojnë ata që i thanë Bashës: ?Na vjen keq, tani jemi me Erin?. Të bësh opozitë me të përzgjedhurit e Çilit, Fanes e Top Channel, do të thotë të bësh opozitë me leje. Partitë në opozitë nuk e kanë luksin të marrin leje për të folur. Në pushtet edhe mund ta fikesh fare forumin rinor siç bëri Sali Berisha me një nga zëdhënësit Lulzim Bashës./ Syri.net