web counter
LEXO PA REKLAMA!

SHKARKO APP

App Store
Google Play

Basha mbledh kandidatët potencialë për FRPD: Të gjithë të barabartë në garë!

31 Tetor 2015, 14:02, Aktualitet CNA

Pas incidenteve, grushtave në një lokal të Bllokut, informacioneve për blerje votash përmes dhënies së diplomave ose pagesave, Kryetari Lulzim Basha ka mbledhur gjashtë kandidatët potencialë për Forumin Rinor të PD-sëkandidatet frpd. Enri Ceno, Belind Këlliçi, Lisandër Hoxha, Oriela Nebiaj, Ervin Salianji dhe Greta Koçi janë mbledhur ditën e sotme nga Kryetari Basha në orën 12:00 në selinë blu.

Burime për citynews bëjnë me dije se Basha iu ka dhënë atyre tre porosi. Ai ka theksuar se askush nga kandidatët nuk ka të drejtë të përmendë emrin e tij apo të familjarëve të tij duke pretenduar për mbështetje në garë.
Të njëjtën gjë Basha ka artikuluar edhe për ish-Kryetarin Berisha dhe familjarët e tij.

?Të gjithë janë të barabartë në garë? ka deklaruar Basha.

Kreu i PD-së theksoi se akuzat dhe veprimet e ditëve të fundit janë të papranueshme dhe të gjashtë emrat nuk janë kandidatë zyrtarë, por thjesht kandidatë potencial.

?Unë po ju monitoroj nga afër, deri më 12 Nëntor nuk ka kandidatë zyrtarë? mësohet të jetë shprehur kreu i PD-së.

Basha ka theksuar se asnjë nuk mund të jetë pjesë e garës me mendimin se është në aksion për t?i prishur punë dikujt.

Kryetari i PD-së ka qenë mjaft i qartë ndaj kandidatëve potencialë.

Me sa duket ngjarjet e ditëve të fundit, banalitetet e sherreve, informacionet për blerje votash e kanë shqetësuar Bashën.





Lajmet e fundit nga