web counter
LEXO PA REKLAMA!

SHKARKO APP

App Store
Google Play

E fundit!

x

Pirro Dhima: Nuk dua qe femijet tane te rriten si ne Shqiperine e Enver Hoxhes

29 Qershor 2015, 16:50, Politikë CNA

Deputeti i PASOK-ut me origjinë shqiptare, Piro Dhima, reagon përmes një postimi në faqen e tij në Facebook lidhur me situatën e fundit të krijuar në Greqi. Duke deklaruar votën kundër në referendumin që do të zhvillohet të dielën për masat e kursimit të kërkuara nga ndërkombëtarët, Dhima i përgjigjet edhe atyre që e kanë kritikuar se meqë ai është shqiptar duhet të mos flasë. Në komentin e tij ai kujton kohët kur jetonte në Shqipëri nën regjimin e Enver Hoxhës dhe kërkon që një situatë e tillë të mos përsëritet në Greqi.

?Më thanë se unë jam shqiptar dhe s?kam të drejtë të flasë. Në të vërtetë unë u rrita në Shqipëri dhe për shkak se jetova atë çfarë ndodhte aty, refuzoj ?Shqipërizimin? e shoqërisë greke. Refuzoj që fëmijët tanë të presin në radhë me orë të tëra për 1 kile djathë, 10 kokrra vezë apo për 60 gram salcë (sasia ishte e dyshimtë) çdo muaj me një kupon në dorë siç e mbaja unë dikur. Refuzoj të jetojnë me një Enver Hoxha sipër kokës dhe me frikën në shpirt. Sepse shumica prej jush që sot me kritikoni për tradhti, për fat të mirë, nuk e keni jetuar atë kohë. Shpresoj ta imagjinoni dhe të mos e jetoni kurë?- përfundon Dhima i revoltuar shënimin e tij, të cilin e shoqëron me një foto të moshuarish para një banke.





Lajmet e fundit nga