web counter
LEXO PA REKLAMA!

SHKARKO APP

E fundit!

x

Meta: Zgjedhjet arritën standardet

29 Qershor 2015, 11:56, Politikë CNA

Kryetari i Kuvendit, Ilir Meta priti të hënën bashkëraporterët e Komisionit të Monitorimit të Asamblesë Parlamentare të Këshillit të Evropës, Jonathan Evans dhe Andrej Hunko.

Duke vlerësuar bashkëpunimin e ngushtë me AP-në, veçanërisht në kuadër të implementimit të rekomandimeve të bashkëraporterëve, Meta tha se fokusi i Kuvendit mbetet zbatimi i planit të veprimit në funksion të rritjes së transparencës, bashkëpunimit me shoqërinë civile dhe institucionet e pavarura, si dhe forcimi i rolit mbikëqyrës.

Takimi mes kryetarit të Kuvendit dhe bashkëraporterëve të KiE-së u përqendrua në punën e deritanishme për avancimin e reformës në drejtësi, në zhvillimin e zgjedhjeve të fundit të pushtetit vendor dhe në zbatimin e reformës së ndarjes së re administrativo-territoriale.

Gjatë bisedës, Meta vuri theksin në arritjen e standardeve të suksesshme të zgjedhjeve për pushtetin vendor, të cilat i dhanë jetë ndarjes së re administrative e territoriale dhe konfirmuan vullnetin e lirë të qytetarëve shqiptarë për të zgjedhur Kryetarët e 61 bashkive të reja





Lajmet e fundit nga