web counter
LEXO PA REKLAMA!

SHKARKO APP

E fundit!

x

SHBA, Kongresi i jep fund koleksionit të përgjimeve të NSA

14 Maj 2015, 09:19, Kosova & Bota CNA

Kongresi amerikan votoi për t?i dhënë fund koleksionit të përgjimeve telefonike, në pjesën e tyre më të madhe, të mbledhura nga Agjencia e Sigurisë Kombëtare. Me një votë dërrmuese 338 pro e 88 kundër, kongresmenët miratuan Aktin e Lirisë së Shteteve të Bashkuara, tashmë e mbështetur edhe nga Shtëpia e Bardhë, që do të thotë se pasi të miratohet në senat, akti do të shndërrohet në ligj.
Ligji i jep të drejtë agjencisë të kërkojë të dhëna nga kompanitë telefonike vetëm rast pas rasti. Koleksioni masiv i të dhënave të mbledhura u publikua si fakt në 2013 nga ish kontraktori i sigurisë në CIA, Eduart Snoëden dhe shkaktoi tronditje në opinion si brenda Shteteve të Bashkuara, ashtu edhe në Europë pasi doli se amerikanët kishin përgjuar edhe aleatët e tyre.
Mbështetësit e Aktit të Lirisë, përfshirë edhe avokatët e privatësisë dhe të drejtave të njeriut, thonë se akti mbron jetën private e në të njëjtën kohë ruan edhe garantimin e sigurisë kombëtare.





Lajmet e fundit nga